Bhopal mein chal rahi National Swimming Championship, Virdhawal Khade ke liye memorable bann gai. Virdhawal, India ke one of the best swimmers mein se ek hai. Sunday ko, Khade ne 22.44 second mein Men’s ke 50m freestyle group ko complete karne ke baad Tokyo Olympic ke liye ‘B’ qualification achieve ki aur ek naya National Record banaya.
Tokyo ke liye apne ‘B’ qualification ka confirmation karte huye, Vice-president (Swimming Federation Of India), Kamlesh Nanawati ne kaha, “Khade ne qualification achieve ki hai. Bhopal mein chal rahi National Swimming Championship 2020 Olympic ke liye ek qualification event ke roop mein list kiya gaya hai.”
Sunday ki subah heat mein, Khade ne khud ke dwara banaye 22.71 ke record ko behtar karte huye 22.70 second kiya. Final mein, unhone apna record todd diya aur 22.44 second mein complete kar ke Olympic ke liye ‘B’ qualification achieve kiya.
Olympic ke liye Olympic Standard Time (OST) (B qualification) 22.67 hai. Khade ki nazar ab ‘A’ qualification par hai. Tokyo ke liye ‘A’ qualification time 22.01 hai. Unka current best 22.43 hai. “Yah ek bada moral booster hai. Mai ‘A’ qualification achieve karne ki koshis kar raha hun,” aisa Khade ne kaha jo ki Maharashtra se hai.
2012, 2016 ke Olympic aur 2014 ke Commonwealth Games se chookne ke baad, unhone 2017 mein ek nai shuruwat ki. Lekin, phir se luck ne 2018 mein unka paksh nahi liya. 26 varshiya tatkalin pidita purusho ki 50m freestyle mein medal ke kareeb pahuche. 18th Asian games mein unhone second ke 100th bhaag se Bronze miss kar diya tha.
Past ko bhulkar, Khade keval Tokyo Olympic par focus karna chhahte hai. 6.3 feet Khade ko 2011 mein Arjun Award se bhi sammanit kiya gaya tha. Khade 2008 mein Federation International de Natation (FINA) world ranking ke top 100 naamo mei pradarshit hone wale 1st Indian hai. 2010 mein FINA World Ranking ke Top-50 mein. Voh Olympic ke liye qualify karne wale sabse kam age ke swimmer hai.
Joint Secretary, Madhya Pradesh Tairaki Sangh, Ramkumar Khilrani aur anya logo ne Khade ko badhai di.
Source: TOI
Other News:
Glenmark 73nd Senior National Aquatic Championships 2019
News, Tips And Workout Ke Liye Aap Swimswam Hindi Ko Visit Karte Rahe And Facebook Par Bhi Swimswam Hindi Ko Like Kar Le.
