Prince Albert ki apni Ali Diehl World Para Swimming Championships me team Canada ko represent karne ke liye fall me Singapore ja rahi hain.
Ye unka first national team selection hai aur Prince Albert Sharks Swim Club ke liye first senior national team selection hai, jinhone iss moment ko na keval ak personal jeet balki “Prince Albert swimming community ke liye ak watershed moment” kaha.
Prince Albert Sharks ne ak release me kaha, “We are beyond words, just super proud.” “Uss chhoti ladki ko yaad karein jo saath saal ki age me hamare saath shaamil hui thi, pahle se hi itna heart and talent dikha rahi thi…aur ab use Canada ko represent karte huye dekhna? Ye wo cheez hai jisse sapne bante hain. Ali perseverance ki bhawna ki pratik hai. Hum apne hometown par pride se bhare huye hain aur Singapore aur uske bahar har kadam par usko cheer karenge!”
16 saal ki ye swimmer team me select kiye gaye 19 swimmers me se ak hain, jisme 11 female and 8 male athletes shaamil hain. Wo do Saskatchewan swimmers me se ak hain, jabki doosri Saskatoon ki Shelby Newkirk hai.
Last kuchh saalon me Diehl ne pool ke andar aur bahar dono hi jagah shandar perform kiya hai.
December 2022 me just 13 years ki age me unhone Ken Demchuk International Para Swimming Championships me 50m, 100m and 400m freestyle events and 200m individual medley me 4 gold medals jeete.
August 2023 me unhone Speedo Canadian Swimming Championships me 2 bronze medals jeete aur kuchh months baad December me, Ken Demchuk swimming championships me return karte huye 100m breaststroke and 50m freestyle dono me gold medal jeeta.
Ak saal baad September 2024 me Diehl ko Prince Albert city dwara annual Terry Fox Award se recognize kiya gaya, jo Prince Albert ke ak young resident ko diya gaya, jo Canadian hero ke traits and inspiration ko sabse jada darshata hai.
Aur iss saal ki shuruaat me April me wo Indianapolis me 2025 World Para Swimming Championships series event se kaafi hardware lekar ghar aai, jisme ak gold (100m breaststroke), silver (200m individual medley) aur do bronze (breaststroke women’s open, 50m freestyle) sahit 4 medals jeete. Unhone iss event me overall third place secure kiya, jisme 23 different countries ke athletes shaamil the.
Team Canada ke Head Coach Ryan Allen ne Thursday ko ak release me kaha, “Main har ak athlete, unke personal coaches aur hamare staff ke saath kaam karne ke liye excited hun kyunki hum Singapore me peak performance ki taraf badh rahe hain. Ye tour hamare program ki culture and environment ko aur strengthen karne ki ak great opportunity hai.”
Diehl apne coach and Prince Albert Sharks ke coach Hazem Hussein ke saath Championships ke liye travel karengi. World Para Swimming Championships 21-27 September tak hogi.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
