Olympian Srihari Nataraj, freestyle specialist Aneesh Gowda and promising Harshita Jayaram Tuesday se start ho rahi 77th Senior National Aquatic Championships me part lene wale frontline swimmers me shaamil honge.
15 September ko khatam hone wala ye tournament Indian swimmers ke liye crucial hai, kyunki 2028 Los Angeles Olympic ke liye ‘A’ Qualification mark haasil karna hai.
Karnataka iss event ke defending champions hain, jisme 31 states ke 500 se jada swimmers participate karenge.
Haal hi me Paris Olympics me 100m backstroke me part lene wale Nataraj ne kaha ki wo iss event me apna best karna chahte hain.
So baar ke Olympian aur 50, 100 and 200m backstroke me national record holder Srihari Nataraj ne apni eagerness express karte huye kaha, “ ye bahot exciting hai ki 77th Senior National Aquatic Championships 2024 first time Mangaluru me ho rahi hai. Ye India ke swimmers ke liye apni potential ko dikhane aur country me swimming ke liye aur jada support jutane ki ak great opportunity hai. Main apne best form me hone ka wait kar raha hun aur main apne sabhi events me gold ke liye compete karunga and home advantage ka use karunga.
Swimming Federation of India ke Secretary General Monal Choksi ne kaha, “ I’m confident ki Indian swimmers international facility ka use karenge aur previous year ke performance ko better karne ki koshish karenge.
“Karnataka Swimming Association ke under me 77th Senior National Aquatic Championships 2024 ko host karna hamare liye sach me honour and pride ki baat hai. Hum ye ensure karne ke liye taiyar hain ki ye event ak mega success ho aur har participant aisi memories lekar ghar lautein jinhe wo lifetime cherish karenge”, Organising Committee ke President Gopal B Hosur, IPS (Rtd) ne kaha.
First day 400m freestyle, 200m breaststroke, Nataraj ki favourite event 100m backstroke, 50m butterfly and 4x100m medley relay ki competitions hongi.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
