Para Swimmer Niranjan Mukundan ne 16-year-old Asian record break kar Friday ko hui Norwegian Swimming Championship 2023 ke S7 category ke 1500 freestyle event mein gold medal jeeta. Is event ko Bergen Swim Festival ke naam se popular hai.
Bangalore ke rahne wale Mukundan akele hi participant the is event ki category mein. Unhone 21.47.18s ki timing ke sath 2007 mein Japan ke Jumpei Kimura ke banaye gaye 22.01:22s ke record ko bhi break kiya.
Sirf 1500m freestyle mei hi nhi, Mukundan ne 50m backstroke event mei gold aur 100m freestyle event mei bronze medal bhi jeeta tha. Isi saal unhone Great Britain mei hui Para Swimming World Series mein men’s 200m individual medley mein new national record bhi set kiya tha.
In 29-year-old ne SM& category ke fourth heat mein 2:56.03s ka impressive time clock kiya.
Indian Swimming Or International Swimming Ke News Janne Ke Liye Facebook Par Swimswam Hindi Ko Like Karna Na Bhule:- SwimSwamHindi
