Police ne bataya ki Monday morning Mussoorie me sthit ak boarding school ke swimming pool me Delhi ke ak 13 saal ke ladke ki maut ho gayi.
Mussoorie police station ke Special Sub-Inspector Krishan Kumar Singh ke according, subah kareeb 5:45 baje jab ye incident hui, tab ladka baaki students ke saath Wynberg-Allen School ke swimming pool me practice kar raha tha.
Jab wo paani ke neeche chala gaya aur kareeb dedh minutes tak paani ke upar nahi aaya toh baaki students ko kuchh gadbad lagi. Police ne bataya ki iske baad unhone use bahar nikala aur alarm bajaya.
“Choonki paani ke andar breath ko hold karna normal tha, isliye students ne kareeb dedh minutes baad uski absence par dhyan diya aur use bahar nikala. Halanki staff ne CPR ke through use hosh me laane ki koshish ki, lekin use bachaya nahi ja saka. Wo use Community Hospital le gaye aur doctors ne ladke ko dead declare kar diya,” SSI Singh ne kaha.
Police ko hospital se incident ki information subah kareeb 7 baje mili, jiske baad wo school pahoche. Singh ne kaha, “Hamne CCTV footage check kiya aur incident ke time present children ke statements liye, lekin kisi gadbadi ka shak nahi hai. Postmortem karaya gaya, report ka wait hai.”
Unhone bataya ki ladke ke parents dead body ko Delhi le gaye hain aur unhone koi complaint file nahi ki hai.
Dehradun police ne ak statement me kaha, “Community Hospital Mussoorie se ak death memo receive hui hai, jisme bataya gaya hai ki Mussoorie ke ak boarding school ke 13 saal ke ladke ko Headmaster deceased condition me hospital lekar aaye the. Information milne par Mussoorie police station ki police hospital pahochi aur school staff se bachche ki death ke baare me inquiry ki.
School staff ne hame bataya ki bachcha pool me swimming ki practice kar raha tha tabhi achanak paani me behosh ho gaya. School administration use turant hospital le gaya, jahan doctors ne use dead declare kar diya. 1888 me founded Wynberg-Allen School me 900 students hain, jinme se 700 students boarders hain.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
