Is article ka source DNAINDIA hai
Aaj ke time mein parents ke liye ek bada concern hai ki market mein bacchon ke liye healthy snacking options kam available hain. Bacche aksar junk ya fast food ke health risks se anjaan hote hain, jo obesity, sugar issues aur malnutrition jaise health problems ko invite karta hai. Meghana Narayan ek aisa naam hai jo child nutrition ke field mein apni mahatvapurn bhumika ke liye jane jati hain.
Meghana Narayan ne Shauravi Malik ke saath milkar 2015 mein Wholsum Foods ki shuruaat ki, jo Slurrp Farm ka parent company hai. Slurrp Farm ne jaldi hi market mein apni ek alag pehchaan bana li, aur parents ki pehli pasand ban gaya jo apne bacchon ke liye nutritious food dhund rahe the.
Meghana Narayan ka Safar
Meghana Narayan ka janm 11 May 1984 ko Maharashtra ke Pune mein hua tha. Bacpan se hi woh academics mein bahut acchi thi, lekin saath hi unka swimming ki taraf bhi jazba tha. Unhone professional swimmer banne ka sapna dekha aur kai swimming competitions mein participate kiya. Media reports ke mutaabik, Meghana ne international level pe medals jeete aur kai records banaye. Unhone 1998 Asian Games (Bangkok, Thailand) mein Bharat ka representation bhi kiya. Lekin, higher studies pe dhyan dene ke liye unhone apni swimming career ko chhod diya.
Education Aur Career
Meghana Narayan ne Bangalore University se Computer Science & Engineering ki degree li. Iske baad, unhone Rhodes Scholar ke taur par Oxford University se Computation ki padhai ki. Fir unhone Harvard University se MBA complete kiya.
MBA ke baad, Meghana ne US aur UK mein McKinsey ke saath consultant ke roop mein kaam kiya, jahan unko global level par child nutrition aur public health ke challenges explore karne ka mauka mila.
2015 mein, Meghana ne Shauravi Malik ke saath milkar Wholsum Foods ki shuruaat ki. Ek khaas baat yeh hai ki Bollywood actress Anushka Sharma bhi is company ki ek badi investor hain, jo bacchon ke liye healthy food options promote karne par focus karti hain. Media reports ke mutaabik, aaj Wholsum Foods ka annual revenue Rs 100 crore tak pahunch chuka hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
