India ki largest Open Water Swimming Championships me se ak Goa Aquatic Crown 2025, 19 & 20 April ko Goa ke Caranzalem Beach par dhoom machane ke liye taiyar hai.
National Institute of Water Sports (NIWS) ke collaboration se Open Water Swimming Academy (OWSA) dwara held iss prestigious event me poore India se 500 se jada swimmers ka participation expected hai, jo 1km, 2km, 5km aur 10km ki race me participate karenge.
Iss mega championship ki announcement OWSA ke Planning Head & Meet Director Rahul Chiplunkar, OWSA ke Business Head Surjeet Dadiala & other prominent figures ki presence me ak press conference me ki gayi.
Per day, lagbhag 2000 spectators ke saath, ye championship Indian open water swimming calendar me ak landmark event hone ka promise karti hai. 10 saal se kam age ke bachchon se lekar 60 saal se jada ki age ke experienced athletes tak, sabhi age groups ke swimmers apni endurance, skill and passion show karenge.
Iss event me four race categories hain- 1km, 2km, 5km aur 10km- jo sabhi level ke swimmers ke liye hai. Ye top athletes ke saath compete karne aur Goa ke crystal-clear waters and stunning coastal beauty se surrounded hone ke dauran apni endurance ko new heights tak le jaane ka chance hai. Participants ke beech excitement and camaraderie ak aisa atmosphere banayega jise koi kbhi nahi bhool sakta.
Registration ab open ho chuka hai, har ak event ke liye entry fee Rs.1500 per person hai. 13 April, 2025 ko registration close hone se pahle jaldi karein aur apna spot secure karein. Ye aapke liye ak landmark open water swimming event ka part banne ka mauka hai jo aapko lasting memories and unforgettable experiences dega.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
