National Games ke baad chahalpahal se door Golapar sthit swimming pool (Tarantal) me ab Sports Department 17 March se swimming training camp held karne ja raha hai. Iske liye alag-alag categories me fees bhi fix kar diya gaya hai. Training lene se related application sports department ke office se distribute kiye jayenge.
District Sports Promotion Committee ke chairman & city magistrate A.P. Bajpeyee ne bataya ki application ke saath health certificate, mobile number, adhar card bhi available karna karana hoga. Bataya ki March ke mahine me (Heating plant start hone par) 8 se 21 years tak ke boys and girls ke liye 3000 rupees per month, 21 years se jada ki age ke youths ke liye 4000 rupees per month fees rahega. Jabki April se June tak 9 se 21 saal tak ke boys & girls ke liye 2000 rupees per month, 21 saal se jada ki age ke 2500 rupees per month aur four member family card ke liye 8000 rupees per month fees hogi. Bataya ki July ke baad months ki fees next meeting me decide ki jayegi.
Schools Ke Liye Bhi Swimming Facility
City magistrate ne bataya ki Tarantaal me 1 April se various schools ke liye time aur days divide kiye jayenge. Week me har school ko maximum 2 din ka time diya jayega. Schools ke liye subah 9 baje se dophar 1 baje tak ke liye 3000 per hour ke hisab se 12000 rupees per month fees rakha gaya hai. Schools ko ‘Pahle Aao-Pahle Swimming Karo’ ke according time divide kiya jayega. Har shift me max 50 participants swimming karenge. Unhone bataya ki summer training camp first batch 16 May se 30 June tak, second batch 1st June se 15 June tak chalega.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
