Second Den Den national level sea swimming competition ke liye 200 se jada swimmers ne register karaya hai, jo 26 January ko Tannirbhavi beach ke bagal me Mangalore Surf Club beach par held ki jayegi.
Thursday ko yahan reporters se baat karte huye Mangalore Surf Club ke president Chirag Shambhu ne kaha ki swimmers Den Den vessel ke chaaro taraf tairenge, jo 2007 me beach ke paas doob gaya tha.
Competition 250m, 500m, 1.5km aur 3km categories ke liye held ki jayegi. Iss saal 6km swimming ki new category add ki gayi hai, jisme do round karne honge.
10 aur 11 saal ki age ke bachchon ko 500m tak tairna allow hoga, jabki 12-14 saal ke bachchon ko 1.5km tak tairna allow hoga. 15 se 17 saal tak ke bachche 1.5km & 3km swimming categories me participate karenge. 18 saal se jada ke bachche 1.5km & 6km categories me participate karenge. Total 214 participants ne registration karaya hai, jisme Mangaluru, Bengaluru, Shivamogga and New Delhi ke log shaamil hain. Mr. Shambhu ne kaha ki competition subah 6:30 baje start hogi aur lagbhag 11:30 baje khatm hogi.
Contest director Rishabhraj Shetty ne kaha ki 1.5km ya usse jada distance tak tairne walon ke liye ‘Tow floats’ ke saath tairna jaruri hai. Participants apne khud ke ‘Tow floats’ la sakte hain ya club se le sakte hain.
Mangalore Surf Club ke Yash Sinojia ne kaha ki sabhi participants ki safety ensure karne ke liye 20 lifeguards duty par honge. Ye ensure karne ke liye adequate care ki jaati hai ki participants vessel wreckage ke paas na aayen. Unhone kaha ki adequate number me speed boat aur surf boat bhi deploy kiye jayenge.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
