Indian Sports Minister ka manna hai ki agar India ko 2028 tak Olympic Games me top 10 me aana hai toh swimming jaise games ko key role play karna hoga.
Olympic history me sabse jada medals jeetne wale athlete ke roop me Michael Phelps swimming ke sports ke icon hain.
Sydney me 2000 Games ke baad se universality quota ke tahat desh me sirf kuchh hi competitors shaamil ho paaye hain, isliye Indian equivalent ko search karna filhal ak far-fetched notion lagta hai.
Halanki, Indian sports minister Kiren Rijiju iss sport ko fresh impetus dene ke liye utsuk hain.
Toh shayad ‘Mumbai Missile’ or ‘Delhi Dart’ jo ‘Baltimore Bullet’ Phelps ki achievements ki barabari kar sake, wo itna distant dream nahi hai.
Minister Rijiju Ko Badlao ki Ummeed:
Online knowledge enhancement workshop me swimming coaches ko address karte huye, minister me jor dekar kaha ki India ko Olympic me next level tak le jaane me help karne ke liye desh ko world-class swimmers ki jarurat hogi. Aisa iss sport me medals jeetne ke numbers ki wajah se hai.
Unhone kaha, “Historically, Olympics me top countries ne swimming me badi sankhya me medals jeete hain. Last 5 Olympics me USA ne swimming me apne total me se lagbhag 31% medals jeete hai. Kisi bhi country ke liye ye ak badi opportunity hai kyuki aquatics me bahot saare events hote hain.”
Sajan Prakash, Virdhawal Khade, Srihari Nataraj and Kushagra Rawat jaise swimmers abhi bhi Olympics ke liye ‘A’ cut (qualifying time) haasil karne ki koshish me lage hain. Lekin, required time se kam time me pahochne ki unki possibilities kam hi dikh rahi hai, isliye minister ne urge kiya ki swimming community ko Los Angeles 2028 ko possible target ke roop me dekhna chahiye.
Unhone jor dekar kaha, ki unhe aisa koi reason nahi dikhta ki India pichhe rahe jaaye. 2021 Olympics me hamare paas swimming me medals jeetne ki takat nahi thi lekin hum 2028 Olympics ki taiyari shuru kar sakte hain.
“Main Swimming Federation se urge karta hun ki wo coaches, infrastructure and training facilities ki needs ko list karte huye ak realistic roadmap banayen.
Corporate Funding Ka Scope
Halanki, India me swimming ke liye investment ak significant drawback rahi hai, lekin last kuchh saalon me corporate companies country ke elite swimmers ko unki limits se aage badhne me help karne ki taraf dekh rahi hain.
Halanki, Dronacharya Awardee Nihar Ameen ki maanein toh swimming ko bahot jada support milta hai.
Deccan Herald ne unke hawale se kaha, “Funding ak aur bada mudda hai. Hamare (coaches) paas aane wale bachchon ko har cheez ke liye pay karna padta hai aur ye ak badi amount hai.”
Nihar Ameen past few decades me Indian Swimming ke finest coaches me se ak hain. Bengaluru sthit iss coach ne past me Virdhawal Khade aur Sandeep Sejwal jaise Asian Games ke medalist taiyar kiye hain.
Recent years me other Asian countries ne swimming me badi success haasil ki hai.
Shayad sabse achha example Joseph Schooling ka tha, jinhone Rio 2016 me 100m butterfly me jeet ke saath swimming me Singapore ka first Olympic gold medal jeeta tha.
Unme se kon tha jise harakar unhone apna historic medal jeeta?
Koi aur nahi balki Michael Phelps.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
