Guwahati: Assam ke famous swimmer Elvis Ali Hazarika ne ak aur record set kiya hai- unhone Friday ko Poland ke Gdansk Pomerania ke kinare se Pick Gdansk Baltic Sea se tairkar nikalne wale first Assamese bankar history create kar diya hai.
February me Assam Pride Award se sammanit Elvis pahle hi duniya bhar ke kai challenging channels me swimming kar chuke hain. 41 saal ke swimmer kahte hain, “Main Poland me Gdansk Pomerania ke tat se Gulf of Poland me Puk Gdansk Baltic Sea tak successfully swim karne wala first Assamese ban chuka hun . Ye ak difficult and adventurous task tha, kyunki mujhe bahot saari Jellyfish, seal and other marine animals ke saath swim karna tha. Bahot thand thi.”
Unhone kaha, “Salt water and abundant currents ne meri swimming journey ko aur bhi challenging bana diya. Kul milakar swimming bahot thaka dene wali thi. Yah mere aur Assam ke logon ke liye ak sapne ke sach hone jaisa tha.”
March me Elvis ne South Africa ke Cape Town me Robben Island ko akele tairkar paar kiya. Ye feat achieve karne wale wo first Assamese the aur unhe ak difficult and adventurous journey se gujarna pada. Robben Island par vijay prapt karte samay unhone bone-chilling cold and salty water ko face kiya, jabki unn par jellyfish, sunfish and dolphin ne attack kiya.
Isse pahle July me Guwahati ke Elvis Ali Hazarika ne English Channel ko successfully cross kar ke history create kar diya tha. Assam ke iss star sailor ne England ke Samphire se lekar France ke Callis aur whan se wapas England tak total 78km ki distance cover kiya. Ye feat achieve karne wale wo North East ke first swimmer hain.
Elvis ne December 2023 me Elephant Island Jetty se Mumbai me Gateway of India tak ki apni swimming fulfil ki. Phir se wah iss challenge 22km ke sea route ko cross karne wale first Assamese ban gaye. Unhone pahle Great Britain me North Channel ko cross kiya tha aur phir se, aisa karne wale Northeastern India se first person the.
Wo ye feat achieve karne wale India ke oldest swimmer hain. Veteran long distance swimmer Northern Ireland se Scotland tak dangerous channel ko cross karne wale first Asian relay swimmer bhi the.
Elvis 2019 me Catalina Channel (USA) ko tairkar paar karne me successful rahe, jo whales, sharks, seals and dolphins se bhara hua hai. Iske baad unhone epidemic-hit se 2020 me lagatar 2 baar Mumbai ke tat se Arabian sea ko cross kiya aur Maa Kamakhya aur Maa Baglamukhi ke bhakt Elvis Ali Hazarika new records set karke Assam aur poore India ke youths ke liye inspiration ban gaye hain. 7 saal ki umra me competitively swimming start karne wale former international swimmer ne apne career me kareeb 23 national records banaye aur 20 international medals ke saath kareeb 68 medals jeete.
National aur international levels par enviable achievements ke baad bhi unhe prestigious Arjuna Award ke liye nahi select kiya gaya. Halanki, Elvis ne himmat nahi haari aur National Adventure Award, Tenzing Norgay Award ke liye apne efforts continue rakhe.
Iss award ke liye athlete ko lagatar 3 saal tak achha perform karna jaruri hota hai. Isliye Elvis Ali Hazarika last kuchh time se ak ke baad ak adventure swimming expedition me part le rahe hain aur ummeed ke mutabik unhe success bhi mili hai.
Elvis Ali Hazarika ki kuch remarkable achievements hain:
- Northeast ke pehle swimmer jo English Channel ko successfully cross kar chuke hain.
- Tees saal ke gap ke baad unhone international swimming me comeback kiya.
- 2019 me, woh Northeast ke pehle swimmer bane jo Catalina Channel ko successfully cross kar chuke hain.
- Woh pehle Assamese swimmer hain jo 2019 me, Strait of Gibraltar ko successfully cross kar chuke hain.
- Unhone multiple national championships jeete hain aur India ko international platforms par represent kiya hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
