Maharatna PSU, REC Limited ne Corporate Social Responsibility (CSR) initiative ke tahat THDC India Limited ke saath ak Memorandum of Agreement (MoA) sign kiya hai. REC ne Uttarakhand ke Koteshwar, Tehri me Kayaking ke liye THDC Water Sports High Performance Academy me Olympic size ke swimming pool ke construction ke liye Rs 3.97 crore dene ki commitment ki hai.
Iss agreement par Friday ko REC ke Executive Director (CSR) Mr. Pradeep Fellows and General Manager and President of SEWA THDC Mr. Amardeep ne sign kiye. Ceremony me REC ke CMD Mr. Vivek Kumar Dewangan, REC ke Director (Finance) Mr. Harsh Baweja and THDC ke Director (Personnel) Mr. Shallinder Singh bhi maujood the.
Swimming pool facility national-level ke athletes ke liye training ground ke roop me kaam karegi, jisse unhe Kayaking and Canoeing me international competitions ke liye taiyar hone me help milegi. Ye initiative India me sports ke infrastructure ko enhance karne aur athletes ko global platforms par excel hone ke liye empower karne ke liye REC ki commitment ko dikhati hai.
REC Foundation ne healthcare, education, sanitation, women empowerment and environmental sustainability me apne broader CSR efforts ke saath-saath sports development ko consistently support kiya hai. Aaj tak, REC ne 400 se jada CSR projects ko fund kiya hai, 1300 crore rupees se jada disburse kiya hai aur cumulatively Rs 2000 crore se jada ki commitment ki hai.
THDC ke saath ye collaboration talent ko badhawa dene aur globally water sports me India ki recognition me contribute karne ke REC ke mission me ak aur milestone hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
