Eleven-time ki Paralympic champion Sophie Pascoe ne competitive Para Swimming ne retirement announce kiya hai.
New Zealand ki ab tak ki most successful Paralympian and 17 time world champion, Pascoe ne Thursday (30 January) ko social media par ye announcement share ki:
“Aaj main immense pride, deep appreciation and humility ke saath officially apni retirement announce karti hun. Ye decision meri life ke ak extraordinary chapter ka end hai, jo perseverance, passion and unwavering pursuit of excellence se define hai. Silver fern pahenna aur world stage par New Zealand ko represent karna mere career ka sabse bada honour hai. Medals and records se jada, meri greatest achievement ye prove karna hai ki disability kisi person ko define nahi karti hai.
“Har ak medal, national record, world record and milestones na keval mere efforts ka reflection hai, balki meri family, friends, coaches, teammates, supporters, sponsors, QE11 swim club, Swimming Canterbury, Swimming New Zealand, HPSNZ and last but not least New Zealand ke logon ke collective dedication ka bhi reflection hai.”
“Bhale hi Swimming Pool ab mera stage na raha ho aur mera time khatm ho gaya ho, lekin iss sport aur iske future ke liye mera pyar aur junoon kabhi kam nahi hoga. Swimming ne mujhe ak purpose, ak passion, ak platform, lifelong friendship di hai. Isne mujhe unn tarikon se shape kiya hai jisko kabhi maine imagine bhi nahi kiya tha, aur main hamesha iske dwara di gayi opportunities, lessons and experiences ko sambhal ke rakhungi.”
“Main uss sport ke wapas dene ke liye deeply committed hun jisne mujhe itna kuchh diya hai, main change ki awaaz banna continue rakhungi, inclusion ke liye advocate, doosron ko inspire karna aur ak aise sporting landscape ki taraf kaam karungi Jahan har athlete ko ability ki chinta kiye bina, bade sapne dekhne, aage badhne aur jo possible hai use phir se define karne ka mauka mile. Main Kiwi athletes ki next generation ko support karne ke liye excited hun kyunki wo apna rasta khud banate hain.
“Ye goodbye nahi hai, ye sirf change laane ke ak naye tarike ki shuruaat hai. Main iss sport ko dukh me nahi balki excitement, gratitude se full heart, incredible memories, fulfilment aur iss journey ke part rahe sabhi logon ke liye appreciation ke saath chhod rahi hun.
“Iss incredible ride me mere saath khade rahne ke liye Thank you. Main aapke love, support and mujh par belief ke liye hamesha grateful rahungi.
“All my love from a very proud Kiwi!”
More than two decades ke career me, Pascoe ne Beijing 2008 se lekar Tokyo 2020 tak four Games me 11 gold ke saath 19 Paralympic medals jeete. 2022 ke New Year Honours me, swimming ke liye services ke liye, Pascoe ko New Zealand Order of Merit ki Dame Companion ke roop me promote kiya gaya. 29 saal ki umra me, wo ye honour receive karne wali youngest person thi.
Dame Sophie ko 2 saal ki age me lawnmower accident ke baad knee ke neeche se left leg ko kaatna pada tha. Usne 7 saal ki age me swimming start ki aur jald hi Paralympian Roly Crichton and Graham Condon ne use identify kar liya, jo usko potential se impree huye aur use QE11 swim club me shaamil hone ke liye kaha.
Unka determination and talent jald hi evident ho gayi, aur unhone matra 11 saal ki umra me international stage par debut kiya, isse pahle ki wo 13 saal ki age me apni first World Championships me participate kiya, South Africa me Durban 2006 me women’s 200 individual medley me bronze jeeta. Do saal baad Beijing me apne first Paralympic me, unhone matra 15 saal ki umra me 3 gold medals jeete.
32 saal ki Pascoe ne 3 Commonwealth Games me bhi participate kiya aur 5 gold medals jeete. Gold Coast 2018 Commonwealth Games me Pascoe New Zealand ki flag-bearer thi.
Swimming New Zealand ke CEO Steve Johns ne Dame Sophie ko tribute diya: Johns ne kaha, “Humein Sophie ke saath lagbhag do decades tak kaam karne ka saubhagya mila. Wo paani ke andar aur bahar ak leader rahi hai aur athletes, young women, disable persons aur poore desh me New Zealand ke logon ke liye inspiration rahi hai.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
