Wednesday morning Chembur ke General Arun Kumar Vaidya Swimming Pool me swimming karte time heart attack se 58 saal ke ak aadmi ki death ho gayi. Mritak ki pahchan Deonar ke resident Ajit Anikeni ke roop me hui hai.
Civic-run swimming pool ke other members ke according, Anikeni last five years se regular swimmer the. Wednesday ko morning me kareeb 8:30 baje, unhone apna first 50m ka lap finish kiya tha aur pool ke ak end pe rest kar rahe the. Fellow swimmer 53 years ke Himmat Gori ne kaha, “Jab lifeguard ne dekha ki wo 5 minutes tak paani se bahar nahi aaye, toh wo unki taraf dauda.”
Gori ne bataya ki pool members ne Anikeni ko autorickshaw me paas ke hospital pahochaya, lekin wahan pahochne par unhe dead declare kar diya gaya.
Anikeni ki death ke baad other members ne better health care services ki demand ki aur kaha ki ye first time nahi hai jab civic-run swimming pool me aisi incident hui ho.
82 years ke Naresh Mehta ko ak saal se bhi kam time pahle ki aisi hi ak ghatna yaad hai, jab August 2024 me unhe heart attack aaya tha. Wo kahte hain, “Uss time ex-civil defence member Gori ne CPR kiya aur mujhe hospital le gaye. Main 22 dino tak hospital me raha. Doctor ne mujhe bataya ki agar admission me delay hoti toh meri jaan bhi ja sakti thi.”
Mehta ne kaha ki pool premises me stretcher tak nahi hai. “Chembur station ke bahar do ambulances khadi hain, jisme charging point hai. Humne ak charging station ko swimming pool ke paas le jaane ka sujhao diya aur waise bhi har ambulance me ak doctor hota hai, isliye isme jada mehnat nahi lagegi,” unhone kaha.
Members ke according, unhone 2023 me tatkalin deputy chief minister Devendra Fadnavis ko letter likhkar premises ke andar ak doctor ke saath ambulance rakhne ka aagrah kiya tha. Unhone iske liye signature campaign bhi chalaya aur healthcare services me sudhar ke liye concerned authorities se mulakat ki lekin koi fayda nahi hua.
Anikeni ki death ke baad, wo ab basic health facilities ki demand ke liye ak aur signature campaign start karne ki planning kar rahe hain. Gori ne kaha ki civic pool me facilities pahle bahot behtar thi jab services ko private vendors ko outsource nahi kiya gaya tha. Unhone kaha, “Pool management ne hamari help karne ki koshish ki, lekin lifeguard logon ki jaan bachane ke liye enough qualified hone chahiye.
Pool manager Neha Joshi ne kaha ki wo members ki demand par apne superiors se baat karengi.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
