Aarohi Nilesh Borde ne duck ki tarah paani me tairna start kar diya.
Jab Aarohi ki age 3 saal bhi nahi hui thi, toh wo Campal ke swimming pool complex me sabki nazron se bachkar door ak jagah pahoch gayi, jahan diving pool hai. Wo pool me gir gayi, aur jab sab ghabra gaye, toh wo paani ke touch ko feel karte huye bahar nikal aai. Unme koi dar nahi tha, unki maa ne bataya.
Swimming ke liye initial love, passion me badal gaya. Last week, kai saalon ki training ke baad, Aarohi ki mehnat rang laai aur usne Rajkot me National School Games me gold (200m butterfly) and silver (100m butterfly) jeeta, jo national level par unki first success thi. Rajkot me medals jeetne wali Goa ki akmatra swimmer 13 saal ki Aarohi ne kaha, “Har koi mujhse kah raha tha ki main school games me medal jeetungi, lekin mujhe itna yakeen nahi tha”. “Mujhe jeetne ki ummeed thi. End me efforts successful rahe.”
Miramar ke Sharada Mandir School me 8th class ki student Aarohi ne 3 saal ki umra se hi champion banne ki instinct dikhai thi, jab usne lagatar 3 saal tak toddlers’ competitions jeeti.
4 saal ki age me, use first time former national medalist Afra Shaikh ne coach kiya, jinhone uske parents ko bhi convince kiya ki Aarohi ko paani se door rakhna mushkil hai.
Afra ne Aarohi ko butterfly stroke ki beauty sikhai. Dayanand Patil unke next coach the. Phir, lagbhag 9 mahine tak Jerry D’ Mello ne charge liya. Lekin jinhone unhe champion banaya, wo hain Sujith TA, jo Khelo India State Centre of Excellence me 50 se jada swimmers ko training dete hain.
Sujith ke efforts ne Goa ke kai swimmers ki kismat badalne me help ki hai. Wo India ke top swimmer the jinhone 2000 me country ke fastest swimmer ke roop me Sebastian Xavier ke 11 saal ke reign ka end kar diya aur lagbhag ak decade tak number 1 par bane rahe. Ab wo doosron ko medals jeetne ke liye inspire kar rahe hain.
October 2022 me Khelo India trials ke baad se jab se usne Sujith ke under training lena start kiya hai, Aarohi ne apne pet 200m butterfly event me lagbhag 30 second ka time nikala hai. Wah Sujith ko Goa laane ke liye sports minister director of sports and executive director of Sports Authority of Goa ko thank you bolti hain. Pool in-charge Albert Dourado ko bhi praise kiya gaya.
Aarohi ko National School Games me apna first medal jeetne ke liye bahot sacrifices karne pade.
For now, unka dhyan poori tarah se Junior Nationals par hai, jahan competition aur bhi hard hoga. Apne best time par bhi, Aarohi abhi bhi medal mark se kuchh second door hain.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
