Olympian swimmer Maana Patel ne 53rd Singapore National age group championship ki senior category mein behatreen performance karte huye 2 silver medals jeeta. Ye championship March 14 se 19 tak Singapore ke OCBC Aquatic Centre mei hui thi. Unhone 50 aur 100m backstroke dono event mein hi silver medal jeet kar apne naam kiya. Unhone is event mein 29.86s aur 1:04.26 min ka time liya respectively.
Apni ek aur jeet par bolte huye Maana ne kaha,”International competition mein participate karna as an athlete meri growth ke liye bahot important hai. Isse mujhe mere competition ke bare mei, mere improvement areas ke bare mei, aur mere strong pointske bare mei bhi jaane milta hai. Singapore aisi jagah hai jo ki hamesha se hi mere heart ke kaafi close rahi hai. Mai yaha par racing karna bhi enjoy karti hun kyu ki yaha par mai Asia ke best swimmers ke sath compete karti hun.”
September 2022, Guwahati mein huye 75th senior national aquatic championship mein bhi Maana ne four gold medal aur 2 bronze medal jeeta tha. Unhone us tournament mein best female swimmer ka title bhi apne naam kiya tha.
Maana international swimmer hai backstroke mein specialisation ke sath. Wo first Indian female swimmer thi jinhone 2020 Tokyo Olympic games mein qualify kiya tha. Wo abhi current 100m backstroke national record holder hai. Unka goal hai ki 2024 Paril Olympics mein wo podium finish karein.
Deepika Das Pereria, Head of sports, ENGN ne kaha, “Hamara goal hamesha hi yhi rahta hai ki shortcomings ko resolve kar ke athletes ko best facilities, nutrition aur coaches provide kiya jaaye taaki unhe unke game mein improve karne ka chance mile. Maana India ke finest swimmers mein se ek hai aur Asia ke kuch best swimmers ke saath compete karte huye Maana ko jeette dekhna hum sab ke liye heart touching moment hai.”
Indian Swimming Or International Swimming Ke News Janne Ke Liye Facebook Par Swimswam Hindi Ko Like Karna Na Bhule:- SwimSwamHindi
