Mumbai: Wednesday shaam ko Virar ke ak resort me bane swimming pool me Bhiwandi ka 25 saal ka yuvak doob gaya, allegedly dive lagate time uske sar me chot lag gayi thi. Arnala Sagri police ke according, Nalasopara ka ak group ak din ki picnic ke liye Visava resort me tha, jab 25 saal ke Satyendra Kumar ne dive lagate time pool ke floor par apna sar maara, jisse uske sar me gambhir chotein aai.
Deceased friend Amit Pal ne police ko bataya ki jab Satyendra paani ki surface par nahi aaya toh unhe chinta hui aur unhone help ke liye phone kiya. Resort ke staff ne behoshi ki halat me Kumar ko paani se bahar nikala. Use Arnala Mahalaxmi hospital le jaya gaya, Jahan se use Virar West ke Sanjeevani Hospital me refer kar diya gaya, Jahan ilaj ke dauran uski maut ho gayi.
Police ne bataya ki ye incident dophar kareeb 3:30 pm pe hui aur unhone accidental death ki report register kar li hai. Ak police officer ne bataya, “dive lagane par rok lagane wale signs ke baawjood Kumar ne shallow pool me dive lagaya. Hum iss baat ko investigate kar rahe hain ki resort ke staffs ya lifeguard ne use rokne ki koshish ki ya nahi.”
Kumar Bhiwandi me ak factory me kaam karta tha aur apne parents ke saath rahta tha.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
