22 saal ke Marchand ne last year apne home Olympics me shandar pradarshan ke baad future challenges ke liye khud ko taiyar karne ke liye December me world short-course championship se apna naam wapas le liya tha.
Ye puchhe jaane par ki kya unhone 2025 ke season se bahar rahne ke baare me socha tha, Marchand ne kaha: “Maine Aisa karne me hesitate kiya lekin jald hi mere andar phir se josh bhar gaya.”
AFP sahit French media ke saath ak interview me unhone kaha, “Meri energy and mental condition me thodi girawat aai thi. Main vastav mein subah uthkar training ke liye jaana nahi chahta tha. Main normal se thoda jada thaka hua tha.”
Theek hone ke liye unhone Australia me kai mahine spend karne ka decision liya, jahan unhone training continue rakhi.
Marchand ne kaha, “Maine sach me iss saal ke liye apna koi goal set nahi kiya tha,” jinhone 2024 Games me relay bronze medal jeeta aur saath hi apne 4 individual titles bhi jeete.
But Australia me one and half month spend karne ke baad main sach mein training me lag gaya tha; apne level par wapas aane ki koshish kar raha tha, heat me phir se time nikal raha tha, apna suit wapas pahen raha tha, relay kar raha tha aur apni freestyle me improve kar raha tha.
“Main thodi der ke liye chhutti par gaya tha aur end me swimming ke liye passion wapas aa gaya. Mujhe lagta hai ki maine enough time nikal liya tha.”
Marchand apne coach Bob Boman ke saath kaam karna continue rakhne ke liye last month Texas gaye the. Wo May ki shuruaat me Florida me Pro Swim Series competition me lautne ki planning kar rahe hain, jisme Singapore me 27 July – 3 August ko hone wali world championships par najar hai.
“Main Singapore me hone wali world championships me participate karna chahta hun,” Marchand ne kaha.
“Main dekhunga ki main kaisa feel karta hun, lekin main tairna chahta hun.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
