Chhatrapti Shahu Ji Maharaj University (CSJMU) ke 11 swimmers ne All India University Swimming Championship ke liye qualify kiya hai. Ye competition Chennai ke SRM University me 25-28 December ke beech hogi. Inn players ka selection 28-30 November ke beech Bhubaneswar me hui North East Zone Inter University Swimming Championship me performance ke base par kiya hai. All India University championship ke liye top 16 rank grab karne wale players ne qualify kiya hai. CSJMU ke vice chancellor Pro. Vinay Kumar Pathak ne iss achievement ke liye players ke saath Physical Education department ke Sports Secretary Dr. Prabhakar Pandey, Head of Sports Department Dr. Sarvan Yadav, swimming pool incharge Nimisha Kushwaha, chief coach Tejendra Veer Sharma aur lifeguard Rohit Nishad ko congratulate kiya.
Iske alawa Kanpur District Swimming Association ke secretary Prakash Awasthi aur IIT ke sports officer and swimming coach Vivek Rao Wadi ne bhi team ko congratulate kiya.
Media incharge Dr. Vishal Sharma ne Saturday ko bataya ki qualified players me Aditya Kant Vedanti (4x100m freestyle), Anuj Kumar (4x100m medley, 4x100m freestyle), Sneha Nishad (4x200m freestyle), Aditya Shukla (4x100m freestyle), Ayushi Pandey (4x100m medley, 4x100m freestyle), Amit (4x100m medley, 4x100m freestyle), Ajay (4x100m freestyle), Umesh Nishad (4x100m freestyle, 100m butterfly) Aditya Pathak (4x100m medley, 4x100m freestyle), aur Saniya Danish Siddiqui (4x100m freestyle, 100m butterfly).
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
