Prime Minister Narendra Modi ne Sunday ko India ke badhte fitness craze ko celebrate kiya, aur IRONMAN 70.3 Goa ke fifth edition ko #FitIndia movement ka ek symbol bataya.
Apne official X handle se tweet kar PM Modi ne thousands of participants ko congratulate kiya, especially, BJP ke do youth icons — Bengaluru South ke MP Tejasvi Surya aur Tamil Nadu BJP leader K. Annamalai — ko appreciate kiya, jinhone iss tough triathlon ka finish line cross kiya.
PM Modi ne dono ko tag karte huye post kiya, “Aaj Goa me aayojit Ironman 70.3 jaise events me hamare youth ka badhta participation dekhkar khushi hui. Aise events #FitIndia movement ko aur strong banate hain. Sabhi participants ko badhai! Khushi hai ki hamare do young Partycolleagues, Annamalai aur Tejasvi Surya, Ironman Triathlon successfully complete karne wale logon me shaamil hain.”
Goa ke Chief Minister Pramod Sawant dwara Miramar Beach se flag off kiye gaye iss event mein 31 deshon ke 1,300 se jada athletes ne participate kiya — Jo last year ke comparison me 20% jada hai. Aur unhone Arabian Sea mein 1.9 km ka swim kiya, uske baad Goa ke lush coastal roads par 90 km cycle chalayi, aur phir tez tropical dhoop ke neeche ek tough 21.1 km run complete kiya yaani total 113 km ki distance cover ki.
Uzbekistan ke Konstantin Belousov ne 4:25:47 ke jabardast time me men’s elite title jeet liya, jabki UK ki Ellie Garrett ne women’s category mein domination dikhate huye 4:58:32 mein finish kiya. Amateurs mein, kai IRONMANs me participate kar chuke ak standout Indian trio ne 6:07:06 ka time liya aur overall 140th position par finish kiya.
Surya ki lagatar doosri jeet ne unhe yhan do baar Ironman ka title jeetne wale first public representative ke roop me mark kiya, jinhone prior benchmark ke base par lagbhag 6:30 hours ka time nikala.
Surya ne race ke baad tweet kiya, “Meri second Ironman 70.3 race me strong finish, aur bhi special isliye hai kyunki maine ise apne pyare bhai @annamalai_k ke saath complete kiya.” Unhone “health aur discipline ki ek nayi wave” ko inspire karne ke liye PM Modi ke vision ko credit diya.
40 saal ke Annamalai party ki duties ke beech apne hard training ke baad resilience dikhate huye, ye title jeetne wale second Indian politician bane.
Race Director Deepak Raj ne growth ko appreciate karte huye kaha, “Last 5 editions mein 62 countries ke participation ke saath, Goa ka IRONMAN ab Asia ka premier half-distance showcase ban chuka hai.”
Event ambassador actress Saiyami Kher ne bhi yahi feeling share ki unhone kaha ki aise races adventure aur community spirit dono ko ek saath laati hain. PM Modi ka endorsement #FitIndia movement ko aur strong banata hai, jisme elite endurance aur grassroots yoga initiatives dono align hote hain. Jab participants ne cheers ke beech apne finisher jackets pehne, tab Goa ke iss event ne India ke global fitness narrative ko aur strong banaya- one pedal stroke at a time.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
