Apne 13th birthday ke ak mahine se kam time ke andar hi Chinese swimming sensation Yu Zidi ne Tuesday ko Shenzhen mein hone wale National Games me 200m individual medley (IM) event me jabardast jeet haasil kar apna first Asian record banaya.
Yu ne 2:07.41 ka time lekar apni country ki swimmer Ye Shiwen ka Asian record break kiya jinhone 16 saal ki age me 2012 London Olympics me 2:07.57 ke time ke saath gold medal jeeta tha.
Yu ne 20 saal ki Yu Yiting (jo 2022 Asian Games ki champion hai) se lagbhag 1 second ka kam time liya.
Iss event me ab tak sirf 8 swimmers hi isse tez swim kar paaye hain, jinme Canada ki swimmer Summer McIntosh 2:05.70 ke saath current world record holder hain.
Last year China ke Olympic trials mein apni presence darj karane ke baad se Yu ki performance kaafi achhi rahi hai, jahan sirf 11 saal ki age mein wo Paris Games ke liye qualify karne se bas thoda sa chook gayi thi.
May mein, Yu ne 400 IM aur 200 butterfly mein national titles jeete, aur 200 IM mein runner-up rahi, jisse wo Singapore World Championships ke liye qualify kar gayi. Wahan usne China ki 4×200 freestyle relay team ke saath bronze medal jeet kar youngest medalist hone ka record banaya.
Usne Singapore meet mein apne 3 individual events 200 IM, 400 IM, aur 200 butterfly mein bhi 4th place hasil kiya.
Apne native Hebei province ko represent karte huye, Yu Thursday ko 200 butterfly heats mein compete karegi, kyunki wo chaar saal mein hone wale National Games me ak aur medal jeetne ki koshish me hain.
Jabki poora swimming world Yu ke talent se impress hai, uski age ne ye sawal uthaye hain ki kya itni chhoti age mein sabse high level par compete karna ethically sahi hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
