Har swimming pool ke edges par lifeguards tainat hone chahiye taaki swimmers ko monitor kar sakein aur agar koi distress me ho toh turant respond kar sakein. Experts ne kaha ki emergencies me paani mein fekne ke liye life belts bhi honi chahiye.
Rabindra Sarobar ke Public Swimming Pool mein inme se koi bhi nahi tha, water body ke custodian Kolkata Metropolitan Development Authority (KMDA) ke officials ne admit kiya.
Ak akela guard har din pool ka gate open and close karta hai. Pool fixed hours ke liye open rahta hai, lekin iske liye koi tickets nahi hai- ye sabhi ke liye open hai.
Anderson Club ke naam se famous Indian Life Saving Society (ILSS) me swimming ke director Amit Bose ne kaha, “Kisi bhi swimming pool ko kisi na kisi tarah ki supervision me rakha jana chahiye. Halanki trainers usually paani me hote hain aur trainees ke close hote hain, lekin unke liye ye dekhna possible nahi hota ki koi doob raha hai ya struggle kar raha hai.”
Bose ne bataya ki watchers, jo lifeguards ke roop me kaam karte hain, pool ke edges par jameen par tainat rahte hain. Unka role upar se swimmers par nazar rakhna hai. “Ideally, har 10 swimmers ke liye ak lifeguard hona chahiye. Lifeguards ko upar se clear view ka advantage milta hai. Jaise hi wo kisi ko struggle karte ya doobte huye dekhte hain, wo use bachane ke liye kood padte hain,” unhone samjhaya.
Yhan tak ki life belts- inflated rubber tubes- emergencies ke dauran help kar sakte hain. “Pool ke edges par kuchh life belts rakhi jaani chahiye. Koi bhi insaan struggle kar rahe swimmer ko life buoy fek sakta hai, jisse help aane tak unhe swimming me help milti hai,” unhone kaha.
KMDA ke do officials ne bataya ki Public Swimming Pool me koi lifeguard ya life belts nahi hain.
Ak official ne kaha, “Whan jaane walon se ye expect nahi kiya jata hai ki wo swimming jaante hon. Hamare paas whan lifeguards ya life buoy nahi hain.”
“Pool specific hours me open hota hai. Summer and winter ke liye alag-alag time hai. Ak security guard har din gate open and close karne ke liye responsible hota hai.”
Green platform Sabuj Mancha ke secretary Naba Dutta ne pool ke maintenance ka aarop lagaya. Unhone kaha, “Steps moss se cover hui hai, lekin iski halat bahot kharab hai. Sabhi ko bade pool me tairne ke liye majboor hona padta hai.”
“Officials ne haal hi me ak changing room ko inaugurate kiya, lekin pool ki cleaning par dhyan nahi diya. Ye accident hone ka wait kar rahi thi. Jab pool unusable ho jata hai toh swimmers khud hi use saaf kar dete hain.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
