Los Angeles 2028 Olympic program me 50m stroke events ko shamil kiye jaane ke maddenazar Swimming Canada iss summer ki World Aquatics Championships ke liye selection policy me amendment announce kar raha hai.
Iske alawa, Swimming Canada ne Glasgow 2026 Commonwealth Games ke liye nomination criteria publish kiye hain.
Swimming Canada 50m breaststroke, backstroke and butterfly ko selection events ke roop me shaamil karega, jiski shuruwat iss saal 7-12 June ko Victoria mein hone wale Canadian Swimming Trials se hogi.
Ye decision haal hi mein World Aquatics dwara ki gayi announcement ke anuroop hai ki inn events ko Los Angeles 2028 Games mein Olympic program mein shaamil kiya jayega.
World Aquatics Championships Singapore me held ki jayegi, jisme 14-19 July ko open water me competition hogi, uske baad 26 July se 3 August tak pool action hogi. Jabki 50m ki events lambe time se worlds program ka part rahi hai, lekin Olympic Games mein inka shaamil hona ak bada badlav dikhata hai.
“World Aquatics ne ye jaankari di hai ki wo men and women ke liye 50 butterfly, backstroke and breaststroke add kar rahe hain, jiska matlab hai ki 6 aur medal events honge. Los Angeles 2028 Games program mein ak great addition hai,” High Performance Director and National Coach John Atkinson ne kaha. “Ye kuchh aisa tha jiske baare me afwaah thi ki aisa hone wala hai, isliye hum official announcement ke saath clarity provide karne ke liye World Aquatics ko thank you bolte hain. Olympic Games mein swimming ke liye medals ki sankhya badhane wali koi bhi cheez program me ak positive addition hai.”
Iss beech, 2026 Commonwealth Games ke liye nomination criteria post kiye gaye hain. Selection 2025 me summer competitions ki ak series me performance ke base par kiya jayega: Trials, Berlin mein 17-23 July ko hone wale FISU Games, World Aquatics Championships and Romania ke Otopeni me 19-24 August ko hone wali World Junior Swimming Championships. Team ki announcement 31st October tak hona expected hai.
Ye competition Glasgow, Scotland mein 24-29 July 2026 tak held ki jayegi, iss event se pahle koi staging camp nahi hoga. Team me 12 swimmers honge jisme har ak individual event mein maximum three swimmers honge aur unhe ak team leader, head coach aur maximum two additional team coach, pending and confirmed staff accreditations, saath hi core mission team staff dwara help ki jayegi.
Inn changes ke alawa, Swimming Canada me Sport Canada Athlete Assistance Program (carding) me amendments karke 50m stroke event ko shaamil kiya hai. Ise Sport Canada ne approve kar diya hai aur ye amended policy near future me post ki jayegi.
Atkinson ne kaha, “Ye waisa hi hai jaisa ki Tokyo 2020 program ke liye men’s 800 and women’s 1500m ki events ko add kiya gaya tha.”
Iske alawa, 50m stroke events ko shamil karne par vichar karne ke liye World Junior Championships ke liye selection policy bhi review ki ja rahi hai. Swimming Canada bhi iss news ka wait kar raha hai ki ye change Olympic Games mein participant ke overall numbers ko kaise affect kar sakte hain.
“World Aquatics Olympic qualification pathway document par kaam karega ki athletes Olympic Games me swimming ke liye kaise qualify kar sakte hain. Inn sab me abhi bhi jo information unknown hai, wo ye hai ki kya Olympic Games mein swimming mein athletes ke numbers increase honi ya same rahegi?” Atkinson ne kaha.
Phir unhe iss process ko dekhna hoga ki Olympic qualifying times, relay-only athletes, universality qualifiers and Olympic consideration time kaise allocate kiye jaate hain. Ye sab Olympic Games mein available athlete slots ka total number ko complete karna hai. Paris 2024 ke liye ye 872 tha. Ak baar jab ye number pata chal jaati hai aur pathway pata chal jata hai toh hum jaan jayenge ki ye sab ak achhe jigsaw ki tarah kaise ak saath add ho jayega aur end mein humein kis direction me kaam karna hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
