Karnataka ke swimmer Manikanta L ne Thursday ko Khelo India Tribal Games mein apni dominant form barkarar rakhi aur 200m individual medley mein lagataar 3rd gold medal jeeta. Odisha ki Anjali Munda ne bhi apne medals mein aur add kiya, aur competition ke 2nd day women’s category mein apna doosra gold secure kiya.
Host state Chhattisgarh mein local swimmer Anushka Bhagat ne women’s 200m individual medley mein second position hasil ki, jo is event ka unka doosra silver medal hai.
Khelo India Tribal Games ke first edition mein lagbhag 3,800 athletes 30 states aur Union Territories se participate kar rahe hain. Players 9 sports disciplines mein 106 gold medals ke liye compete kar rahe hain. Is event mein archery, athletics, football, hockey, swimming, weightlifting aur wrestling shamil hain, jabki Mallakhamb aur kabaddi demonstration sports ke roop mein rakhe gaye hain.
Manikanta, jinhone Wednesday ko 100m breaststroke aur 50m butterfly mein gold jeeta tha, unhone 200m individual medley ko 2:25.93 seconds ke time ke saath jeet liya. Tripura ke Riaz Tripura ne 2:34.04 seconds ke saath silver hasil kiya, aur Odisha ke Kanhu Soren ne 2:36.21 seconds mein finish karke bronze apne naam kiya.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
