Jind district ki young swimmer Astha ne state aur national level par apne damdar pradarshan se ek baar phir sabka dhyan khinch liya hai. Sirf 14 saal ki umar me hi Astha swimming aur water polo dono categories me impressive medal tally ke saath ubhar kar saamne aayi hai.
7-12 July tak HL City (Bahadurgarh) ke Champions Aquatics Academy me aayojit Haryana State Swimming Championship 2025 me Astha ne 3 bronze aur 2 silver medals jeet kar apni performance ka dum sabit kiya.
Iske turant baad, Astha ne All India Inter-Club U-21 Women’s Water Polo League 2025 (14–18 April, Mayo College, Ajmer) me bhi participate kiya.
Bahadurgarh me hui 5th Senior Women Water Polo Competition me Astha ne apne aggressive gameplay aur consistency ke dam par gold medal jeeta, jisse uska confidence aur bhi badh gaya.
Astha ab tak 3 School Nationals, 1 Junior National, aur Khel Mahakumbh ke kai editions me participate kar chuki hai, jahan uske naam 4 gold medals registered hain.
Coach Ram Dhul aur Astha ke parents ka kehna hai ki usme international-level representation ka pura potential hai, aur agar wo isi tarah focused rahi toh future me wo desh ka naam aur bhi roshan karegi.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
