Uran taluka ke rising swimming star, Aryan Viresh Modkharkar, apni jabardast performance ke baad University selection trials ke through National Swimming Championship ke liye select huye hain.
Aryan “Inter-School” aur “Inter-University” dono level pe select hone wale Uran ke first swimmer hain jo national competition tak pahuche hain.
Unki journey Uran Municipal Swimming Pool se start hui thi, jahan unhone coach Hitesh Bhoir ke under training ki. Regular practice aur consistent results ke through unhone first school-level national competitions aur phir university selection trials mein apni pehchaan banayi.
Abhi Aryan BSc in IT ke second year ke student hain. September 15-17 ke beech Dombivli mein huye national trials clear karke unhe December mein hone wale National Swimming Championship ke liye select kiya gaya hai.
National Championship 18 se 23 December tak Chennai ke Dr T. R. Parivendra Aquatic Complex me hone wali hai. Aryan ko Maharashtra ki taraf se 50-meter backstroke aur 50-meter butterfly events ke liye select kiya gaya hai.
Unki iss jeet se unki family, unka college Veer T.H. Wajekar College, aur poora Uran taluka proud hai, ye Uran ki sporting community ke liye ak proud moment hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
