Angharad Evans 2026 Commonwealth Games (Glasgow) ke liye TeamScotland mein pre-select hone wali doosri swimmer ban gayi hain.
Evans ne Paris 2024 Olympics mein apne Olympic debut par 100m breaststroke mein sixth position hasil ki thi. Woh Duncan Scott ke saath Scottish team mein shamil ho rahi hain, jinhe last year November mein team ke liye name kiya gaya tha, kyunki unhone Singapore Worlds mein GB men’s 4×2 relay ke saath gold medal jeeta tha.
Evans 24 se 29 July tak Tollcross International Swimming Centre mein hone wali competition me Commonwealth debut karengi.
University of Stirling ki swimmer Evans woh akmatra British woman hain jinhone 100m breaststroke mein 1:06 se kam time toda hai, aur domestic level par unke naam top six fastest times hain. Inmein sabse best unka 1:05.37 ka national record hai, jo unhone last year British Championships mein set kiya tha. 22 saal ki Evans ka 200m breaststroke mein personal best 2:21.86 hai, jo unhe all-time third-fastest British woman banata hai.
Unhone pahli baar 2024 short-course Worlds mein women’s medley relay team ke saath international podium par jagah banai, jisne silver medal jeeta tha.
Evans 100m breaststroke mein world rankings ke top par rehkar World Championships ke liye Singapore pahunchi thi, lekin prelims mein unka 18th place raha. Iske baad unhone khud ko sambhala aur 200m event mein wapas aakar fourth position hasil ki. December 2025 mein Lublin mein huye short-course European Championships mein Evans ne 200m breaststroke silver jeetkar apna first international solo medal claim kiya.
Scottish Swimming ke through baat karte huye Evans ne kaha: “Team ki first female member banna mere liye ek bahot hi special moment hai. Isse mujhe apni abilities par aur jada confidence milta hai aur yeh mujhe Commonwealth Games mein Scotland ko proud feel karwane ke liye aur motivate karta hai.”
Glasgow 2026 ke liye Ben Higson bhi ja rahe hain, jinhe Team Scotland ka Head Coach appoint kiya gaya hai. Higson University of Stirling ke head coach hain, jahan Scott, Tom Dean, Jack McMillan aur Evans jaise swimmers train karte hain. Unhone apna Scotland coaching debut 2014 Commonwealth Games mein kiya tha, jo Glasgow mein hi huye the.
Unhone kaha, “Dobara Team Scotland ka hissa banna mere liye ek bada honour aur privilege hai. Glasgow 2014 mera first senior international coaching experience tha, aur main phir se wahan lautkar woh experience dobara jeene ka intezaar nahi kar pa raha hun.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
