East Nagpur mein recreational facilities ko expand karne ke liye, Nagpur Municipal Corporation (NMC) Kalamna fire station aur fire training centre mein sthit apne swimming pool ko general public ke liye open karne ki planning kar raha hai. Abhi iss pool ka use sirf fire personnel ki training aur NMC ke fire training institute mein enrolled students karte hain, lekin jaldi hi ye pool nominal fee par residents ke liye accessible ho sakta hai.
Filhaal, East Nagpur mein swimming ke liye sirf do public options hain — ak sports club ke under aur doosra ak private school ke through operated hai. School ka pool better maintained hai, lekin wo around ₹2,400 per month charge karta hai, jo area ke kai middle-class families ke liye costly hai. Dusri taraf, club-operated facility ki upkeep ko lekar criticism hua hai. Isi backdrop mein NMC ka yeh proposal ak jada affordable aur reliable alternative ki hope jagata hai.
NMC ke sports officer Piyush Ambulkar ne confirm kiya ki civic body ka sports department actively is plan par kaam kar raha hai. Unhone kaha, ‘Kalamna ka pool 25 feet by 50 feet ka hai aur 6 feet deep hai, jo general public use ke liye jada hai. Hum depth ko kam karne ke options par kaam kar rahe hain aur iske liye ak project management consultant appoint kiya jayega.
NMC ke according, ye facility ₹1.39 crore ki cost se construct ki gayi thi, aur ak modern filtration system ke liye additional ₹59.86 lakh spend hua. Civic officials ne clarify kiya ki pool ka actual size 25×15 metres hai, jisme depth 1 se 3 metres tak hai, aur iske around ak secure boundary wall bhi hai. Ab tak yeh pool fire personnel training ka ak important component raha hai, jo unki physical endurance aur water rescue skills ko enhance karta hai.
Civic body ka maanna hai ki pool ko citizens ke liye open karna na sirf iske use ko optimise karega, balki East Nagpur mein affordable swimming facilities ki shortage ko bhi address karega. Jaise hi depth aur safety standards ke technical adjustments complete ho jayenge, pool ak much-needed public amenity ban sakta hai.
Filhaal, residents final approval ka wait kar rahe hain, is umeed mein ki ak safe aur reasonably priced swimming facility jaldi hi unke reach mein hogi.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
