Kottayam me ak women’s college ne apni regular classes ke saath-saath ak unique course start kiya hai- swimming lessons.
Kottayam ke Archeparchy dwara sanchalit 70 saal purane BCM College ne Thursday ko iss course ki shuruaat ki. Aane wale weeks me college ke kareeb 1000 students swimming lessons lenge. Classes city ke baahri ilake me ak private swimming academy me held ki jayengi, jiske saath college ne ak agreement kiya hai. Students se course ke liye concessional fee li jayegi. Course ke end me, students ko college and academy Thoppans Aquatics dwara jointly ak certificate diya jayega.
College ke principal KV Thomas ne kaha ki iss tarah ke training programme ka idea haal hi me doobne se hui kai deaths ke baad aaya. Unhone kaha ki college ne 1000 se jada swimmers ke beech ak survey kiya taaki pata lagaya ja sake ki unme se kitne swimming jaante hain.
Thomas ne kaha, “Hum ye jaankar shock rahe gaye ki unme se keval 5 hi tairna jaante the.” College me normal class ka time subah 8:30 baje se dophar 1:30 baje tak hai. Unhone kaha ki swimming classes dophar me held ki jayengi. Unhone ye bhi kaha ki iss tarah ke skills acquire karke girls ko kisi bhi crisis se overcome karne ka confidence milega.
Iss beech, Thoppan Aquatics run karne wali Neyveli Lignite Corporation ke former swimming coach Joy Joseph Thoppan ne kaha ki halanki unhone school students ke liye training program chalaye hain, lekin ye first time hai ki college ke students ke liye aisa program chalaya ja raha hai. Unhone ye bhi kaha ki har ak batch ko swimming training ki lagbhag 20-25 classes milengi. Joy apne bhai Jacob TJ ke saath academy chalate hain, jo retired DIG and former International swimmer hain.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
