2025 season ke conclusion ke saath, World Para Swimming ne 2026 World Series ka poora calendar confirm kar diya hai — ek aisa circuit jo apni reach, diversity aur competition level ke saath lagataar badh rahi hai.
New season mein total 9 events schedule kiye gaye hain aur yeh February mein Australia ke Gold Coast se start hoga, jo Oceania leg ke liye ek bada change hai.
Melbourne mein kai successful editions ke baad, ye event first time iss coastal city mein shift ho raha hai. Ye sirf ek geographical change nahi hai — balki athletes ko ek new experience dene ki taraf ek kadam hai: outdoor venue mein race karne ka.
Los Angeles 2028 Paralympic Games nazdeek aane ke saath, ye change swimmers ko ye mauka dega ki wo unhi conditions mein compete karein jaisi unhe California mein face karni pad sakti hain.
Uske baad ye tour March ke busy schedule ke liye Europe ki taraf badhega. Italy ke Lignano Sabbiadoro mein traditional stop 12 se 15 March tak phir se start hoga, jo country me 9th time World Series event host karne ka prateek hai.
Para swimming mein Italy ka role hamesha ki tarah strong bana hua hai — ek reliable, early-season competition jo har saal world champions aur new talents dono ko attract karta hai.
Kuch hi din baad, 19 se 22 March tak, action Spain ke Barcelona leg ki taraf badhega. 2025 mein apna debut karne ke baad, Spanish stage apne vibrant atmosphere aur excellent organization ke liye jald hi athletes aur fans ke beech favorite ban gayi thi. Ab Barcelona uss momentum ko aage badhata hua, apne aap ko circuit ke “must-watch” stops mein se ek ke roop mein establish karega.
Uske baad France 1 se 3 May tak Paris mein world ko welcome karega, jab 2026 season midyear point par apni energy ko barkarar rakhega.
Kuch hi din baad Berlin ka event aata hai, jo 7 se 9 May tak schedule hai. German capital 2026 mein ek bilkul nayi setup ke saath aayegi, jo sirf World Series format ke liye dedicated hai. Yeh Berlin ke liye ek naya chapter hoga — ek aisi jagah jo hamesha se iss sport ki most recognized locations mein se ek rahi hai — ab ek fully focused World Series meet host karega jo fast timings aur world-class performances dene ka promise karta hai.
May ke end tak spotlight Asia ki taraf shift ho jaati hai. Fuji-Shizuoka, Japan, 28 se 30 May tak apna second World Series event host karega. 2025 ke impressive debut ke baad, ye Japanese venue ek baar fir duniya bhar ke swimmers ko Mount Fuji ke base par welcome karega — jo is sport ke sabse khoobsurat aur inspiring locations mein se ek hai.
Uske baad circuit Americas ki taraf badhega, kyunki Mexico saal ke second half mein ek important destination bana rahega. Guadalajara 13 se 16 August tak event host karega.
Later in November, Lima phir se stage par wapas aayega. Peru ki capital ne 2025 mein apne successful first edition ke saath headlines banayi thi, aur 12 se 14 November tak ye South America mein Para swimming ke ek rising hub ke roop mein apni jagah mazboot karte huye phir se calendar mein shamil hoga.
Finally, 2026 World Series ka conclusion 26 se 28 November tak Abu Dhabi, United Arab Emirates mein hoga. Emirati capital ka debut asal mein 2025 mein hone wala tha, lekin ye event unfortunately cancel ho gaya tha.
Ab ye city first time officially athletes ko welcome karegi, aur iske saath ye season ki 2nd Asian stop aur Middle East ka first-ever host ban jaayegi. Iska inclusion sport ke global expansion mein ek aur important step hai, jo Para swimming ko naye audiences aur regions tak le jaayega.
Craig Nicholson, Head of World Para Swimming, ne kaha:
“World Series 2026 ka calendar ye dikhata hai ki Para swimming duniya bhar mein continuously grow kar rahi hai. Humein bahot khushi hai ki familiar venues wapas aa rahe hain, aur hum apni competition ko naye locations jaise Abu Dhabi tak le jaane ke liye equally excited hain. Har host city athletes ke liye new opportunities create karne mein aur next generation ke swimmers ko inspire karne mein ek important role play karti hai.
World Para Swimming World Series 2026 schedule
- World Series Australia
20–22 February
Gold Coast, Australia
- World Series Lignano Sabbiadoro
12–15 March
Lignano, Italy
- World Series Barcelona
19–22 March
Barcelona, Spain
- World Series France
1–3 May
Paris, France
- World Series Berlin
7–9 May
Berlin, Germany
- World Series Fuji-Shizuok
28–30 May
Fuji, Japan
- World Series Mexico
13–16 August
Guadalajara, Mexico
- World Series Lima
12–14 November
Lima, Peru
- World Series Abu Dhabi
26–28 November
Abu Dhabi, UAE
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
