World Aquatics ne Singapore me hone wale apne upcoming signature event me part lene wali 42 pool swimming events ke liye entry list release kar di hai. Inn entries me har ak event me enter karne wale swimmers ko country ke alphabetical order me shaamil kiya gaya hai na ki seed times ke according. Pool swimming competition 27 July se 3 August tak Singapore Sports Hub ke ak special venue par held ki jayegi.
Inn initial entries se bahot kam new information mil sakti hai kyunki har ak national federation ne selection meets ka aayojan kiya tha ya Singapore jaane ke liye apne rosters announce kiya tha. Halanki, ye list iss baat ko confirm karti hai ki Leon Marchand unn sabhi 4 individual events me shaamil hain jinme unhone last summer me Paris Olympics gold medal jeeta tha. Ye clear nahi tha ki kya wo individual medley events ke alawa 200 butterfly and 200 breaststroke dono me try karenge. Isse pahle unhone 2022 aur 2023 me global meets me 200 breast ko skip kar diya tha.
Marchand ne June me French Championships me race nahi lagai thi lekin unhone May me Longhorn Elite Invitational me 2024 ke apne dominance ke kuchh reminders post kiye, jahan unke time me iss saal world ka best 400 IM shaamil tha.
Summer McIntosh women’s side ki headliner hain, 18 year ki ye Canadian Trials me apne historic performance ke baad 5 individual events me compete karengi. McIntosh dono medley events, 400 free and 200 fly me top seed prapt hongi aur 800 free me Katie Ledecky ke baad second seed prapt hongi.
Iss release ke saath ak unresolved entry ko approval mil gaya: James Guy 2023 world champion Matt Richards ke saath 200 free me second British representative honge. Guy ne British Championships me iss event me jeet ke liye Duncan Scott ke saath barabari ki thi lekin Richards ke Paris Olympics me silver medal jeetne ke karan keval ak hi spot available tha. Guy ko clearance mil gayi hai, jabki Scott ke paas kai aur individual events hain aur wo Singapore me apni jagah confirm kar rahe hain.
United States ke liye, ye list U.S. Nationals ke baad roster me kai adjustments ko confirm karti hai. Bobby Finke ne 400 IM se hatkar distance freestyle races par focus karne ka option select kiya hai aur apni jagah Rex Maurer ko de di hai, jabki Katie Ledecky aur Torri Huske dono ne 200m freestyle me jagah banane se inkar kar diya hai, jisse Erin Gemmell Claire Weinstein ke saath individual nod ke liye jagah banane me successful rahi hain.
Halanki, pool events me abhi do week se jada ka time hai, World Championships officially Friday se start ho rahi hai, jisme Water Polo action do weeks (11-24 July) tak chalegi. Iske baad open water swimming competition 15 July se start hogi.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
