Naye sports complex ke sparkling pale-blue swimming pool ke upar, jahan abhi Asian Swimming Championships chal rahi hai, do cameras chupchaap sab kuch record kar rahe hain. Swimmer ka stroke length kitna tha? Unhone underwater kitna time spend kiya? Kis section me unhone time lose kiya?
Jo data collect kiya gaya hai, use computers me feed kiya jaata hai aur phir usse chhote-chhote useful parts me break kar Indian swimmers aur head coach, Nihar Ameen, ko diya jaata hai. Ye initiative Swimming Federation of India (SFI) ka hai, jiska aim hai Asia ke best swimmers ke beech ka gap kam karna — kyunki unke paas pahle se hi apne training centres me data access hota hai.
Indian swimmers ke liye is tarah ka data lena pahle Europe trip ka matlab hota tha. Ye sab 2022 me change hua jab Ameen Eindhoven, The Netherlands gaye. Wahan unki mulakaat ak analyst aur swimming researcher, Aditya Kariyappa, se hui. Ameen ne unhe convince kiya ki wo Bengaluru me “Swimple”, ak tech-based data solutions company, start karein. Ameen kehte hain, “Yeh ak game-changer hai.”
“Main hamesha se ye jaanne ki kos karta raha hun ki hum jo karte hain use kaise streamline karein, scientific banayein… tech hamesha ak aisa answer raha hai jo meri observations ko validate karta hai.”
Swimple ne India ke elite swimmers ki life kaise badli?
“Isne training ko fine-tune karne me, velocity improve karne me, drag reduce karne me, samajhne me ki hume kya hold back kar raha hai, training cycles ko better banane me aur overall jada efficient hone me help ki hai.”
In short, bole toh ye approach jada evidence-based hai. Kariyappa ak example dete hain: Ahmedabad me unhone Ameen ko race analysis provide kiya. Aur Bengaluru me, Dravid-Padukone Centre of Excellence ke pool me six-camera set-up ke through, unke paas biomechanics ka data aata hai.
“Humne dekha ki Sajan Prakash ke swimming me ak chhota sa issue tha — wo apni little finger ko ring finger se thoda alag rakh kar swim kar rahe the. Is level par, ye chhoti si cheez bhi race decide kar sakti hai.”
Ameen kahte hain ki race analysis me wo stroke length, ak stroke cycle me kitna distance cover hua, cadence (stroke frequency) aur aise hi parameters dekhte hain. Kariyappa add karte hain, “Hum races ko record karte hain aur phir unhe 10m ke splits me break kar analyze karte hain.”
Monday evening, final ke start se thodi der pehle, Ameen ne ak Indian swimmer ke saath debrief kiya aur uske heat race analysis ko dekha. Unhone swimmer se kaha, “Tumhe in cheezon ka dhyan rakhna hoga. Baaki tumhare numbers kaafi acche hain.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
