City ke swimmer Srihari Nataraj ne international arena par apna naam banaya hai, kai awards jeete hain aur 2024 Summer Olympics and 2028 Commonwealth Games me India ko represent kiya hai.
Haal hi me iss list me Singapore me held Singapore National Swimming Championships (SNAC) 2025 ki 200m me gold medal aur 100m freestyle me silver medal jeetna shaamil hai. Apni latest feat par vichar karte huye unhone kaha, “Ye ak achha tournament tha, maine iss saal apni race ke terms me apne focus ko switch kiya hai. Saath hi, main iss season me freestyle par focus kar raha hun aur track par cheezein sahi hoti dekhna achha hai.”
Nataraj ko swimming ka shauk young age se hi tha aur tab se hi wo apni skills ko hone karne ke liye training le rahe hain. Unki training regimen me routine workout and practice shaamil hai. “Main week me lagbhag 9 baar swimming karta hun, usually har subah. Kabhi-kabhi main thode kam session swimming karta hun ya kuchh jada session gym karta hun. Ye season ke according change hota rahta hai,” wo batate hain.
Ak swimmer jo apni poori life me backstroke swimming karta raha hai, last four to five years se freestyle racing uske liye kuchh naya tha. Freestyle swimming ke liye unke approach ke baare me puchhe jaane par, Nataraj ne iss particular style me achhi tarah se train hone ki apni ability ko emphasize karte huye kaha, “Main freestyle me jada training le raha hun aur iss season me sach me koi backstroke nahi kiya hai. Ye wo tournament nahi tha jisme main top par pahochne ki koshish nahi kar rahe hote hain toh apna best time dekhna hamesha achha hota hai aur main iss baat se kaafi khush hun ki ye kaisa raha.”
Lekin wo significant factor jisne unhe race jeetne me help ki? Wo apne process-oriented approach ko credit dete hain. Race ke dauran Nataraj ne apne plan par tike rahne aur apni pace and stroke ko maintain rakhne par focus stick kiya.
“Main bas plan par focus kar raha tha aur mujhe pata tha ki race kaise jeetni hai. Main gold se jada apni timing se khush tha,” unhone jor dete huye kaha, “Aap iss par control nahi kar sakte ki doosre kya karte hain. Mera kaam best swimmer banna hai. Isliye main isi par focus karta hun.”
Jab unse puchha gaya ki wo India ke young swimmers ko kya message dena chahenge toh Nataraj ne saralta se kaha, “Apne process par dhyan dein aur apne path par stick rahein. Ye sirf mauj-masti karne aur behtar banne ki koshish karne ke baare me hai,” unhone emphasize kiya.
Apne passion ke saath aage badhte huye, World University Games ki taraf dekhte huye, wo conclude karte hain, “Mere paas India me hone wale World University Games and Asian Swim Championships hain, jahan main kuchh medals jeetne ki ummeed kar raha hun. Iss saal ye mere motivation ke other sources hain.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
