Maharashtra Vikas Aghadi ke members ne Mulund West sthit Priyadarshi Indira Gandhi Sports Complex me sthit Kalidas swimming pool ke bahar protest kiya aur ise jald se jald public ke liye kholne ki demand ki. Renovations ke karan ye pool ak saal se jada time se band hai.
Mulund resident Atul Prabhu ne kaha, “Jab se lockdown khatm hua hai, pool authorities humein ise band karne ke liye kai reasons bata rahe hain- jaise maintenance, tile repair, chlorination issues aur baaki ke problems.
Swimming pool close hone ke karan, 40 se jada bachchon aur badon ko Thane ke Chembur ke door-daraj ke swimming pool me enroll karne ke liye majboor hona pada. Prabhu, jo apne 13 saal ke bete ke liye daily aate-jaate hain, kahte hain, “Thane ke swimming pool tak pahochne me humein lagbhag 30 se 40 minutes lagte hain.” Unhone aage kaha, “Mera beta state level championships me participate karta hai isliye wo apni practice nahi chhod sakta. Swimming pool khulwane ke liye hum ab tak 6-7 meetings kar chuke hain. Wo ise kuchh der ke liye open karte aur phir thode time ke liye close kar dete lekin humse poore saal ki fees lete.”
Brihanmumbai Krida and Lalit Kala Partishthan (BKLKP), civic body ke saath registered ak trust, iss pool sahit kai recreational facilities ko manage karta hai. Mulund West se Maharashtra Pradesh Congress Committee ke members Rakesh Shetty ne aashcharya jataya ki itne lambe time se kya renovations chal raha hai. “Civic body ne last year 7 crore rupees se jada ka tender liya tha. Itne lambe time se kya renovation chal raha hai?” unhone puchha. “BKLKP ne humein assure kiya hai ki wo next two months me pool open kar denge. Halanki, tender me do sal mention hai isliye contractor ko kaam complete karne me poore do saal lagenge. Ye residents, swimming professionals aur enthusiasts ke liye bahot bada nuksan hai.”
Pool in charge ak BMC officer ne bataya ki 1985 me iski sthapna ke baad se, pool me koi major maintenance work nahi hua hai. Swimming pool ke in charge BMC officer ne kaha, “Filtration plant time to time kaam nahi kar raha tha isliye humne ise kuchh time ke liye band kar diya tha. Ab hum completely kaam kar rahe hain. Estimated completion time 2 saal hai. Humne contractor ko isse pahle ise complete karne ke liye kaha hai. Iss beech, humne subscribers ko Vikhroli swimming pool me apna membership use karne ka offer kiya hai.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
