Summer McIntosh ka sport mein remarkable rise 2025 mein bhi continue raha, jab Canadian teenager ne second consecutive time World Aquatics Female Swimmer of the Year ka honour jeeta. 2024 ke breakout Olympic campaign ke baad, unhone ne new season me poore season apni top form maintain rakhi, aisi performances di jinse record books hi badal gayi aur world ki “most versatile swimmers” mein unki position aur strong ho gayi.2025 “Bell Canadian Swimming Trials” (Victoria mein huye) ne unke saal ka tone set kar diya. 18 saal ki age mein compete karte huye, aur Singapore mein hone wali World Aquatics Championships ke liye five-event programme ki taiyari ke dauran, McIntosh ne recent history ke sabse memorable domestic meets mein se ek performance di. 5 dinon ke andar unhone 3 individual World Records banaye: 3:54.18 ke time ke saath Women’s 400m Freestyle ka record wapas hasil kiya, apna hi 400m Individual Medley record improve karke 4:23.65 kiya, aur Katinka Hosszú ke 10 saal purane 200m IM record ko todte huye 2:05.70 ka time clock kiya.
Michael Phelps ke baad first time kisi swimmer ne ek hi meet mein 3 individual World Records banaye—ye kaarnaama last time “Beijing 2008 Olympic Games” mein hua tha. Women’s category mein ye feat Sydney 2000 ke baad dobara nahi dekha gaya tha, jab Inge de Bruijn ne ye achievement hasil ki thi. Is tarah, McIntosh ki performance ko history ke bahot rare achievements mein gina ja raha hai. Singapore mein, McIntosh ne apni momentum ko world titles mein badal diya. Unhone 400m freestyle, 200m individual medley, 200m butterfly aur 400m individual medley mein gold medals jeete, aur is dauran 2 Championship Records bhi set kiye. Unka final event 800m freestyle, poore championships ki sabse standout races mein se ek ban gaya. Is thrilling three-way battle mein, McIntosh ne USA ki six-time champion Katie Ledecky aur Australia ki Lani Pallister ko tough challenge diya. Aakhirkar McIntosh ne bronze medal jeeta, jabki Ledecky ne 8:05.62 ke time ke saath apna seventh world title aur ek Championship Record apne naam kiya.
Race ke baare mein baat karte huye McIntosh ne kaha, “Ismein definitely thoda time lagega. Ye mere liye ek new event hai, aur mujhe iske baare mein abhi kaafi kuch seekhna hai. Aane wale kuch saalon mein, LA ki taraf badhte huye, dekhte hain ye mujhe kahan tak le jaata hai.”
McIntosh ne 2025 ka season 4 world titles, 3 World Records, aur history ki most accomplished distance swimmers mein se ek ke against podium finish ke saath conclude kiya. Ab unke career resume mein 3 Olympic gold medals, 8 long-course world titles, aur 4 additional short-course world crowns shamil ho chuke hain.
Unki achievements aur world swimming par unke lagataar impact ko dekhte huye, Summer McIntosh ko 2025 World Aquatics Female Swimmer of the Year announce kiya gaya.
Marchand ko World Aquatics Male Swimmer of the Year ka title diya gaya.
Marchand ko World Aquatics Male Swimmer of the Year ka khitaab diya gaya
Paris 2024 Olympics jaise ek historic Olympic year ke baad—jo unke home soil par hua, jahan unhone 4 gold medals jeete aur ek national sporting icon ke roop mein ubhar kar aaye—Leon Marchand ne 2025 mein ambition aur patience ke balance ke saath entry li. Unhone openly baat ki ki wo global records target kar rahe hain, saath hi post-Olympic adjustment ko bhi acknowledge kiya.Unhone kaha, “I want to break all the records.” Aur World Aquatics Championships ko ek “challenge” ke roop mein describe kiya. Singapore mein hui pre-event press conference mein Marchand ne explain kiya, “Ye mere liye Olympics ke baad ek transition year jaisa hai, kyunki Olympics kai athletes ke liye aur mere liye bhi ek bahut bada goal tha. Main kahunga ki ye jada tar getting back into the game jaisa hai. Maine kaafi achha time relax karte huye bitaya, to ab challenge hai…wapas rhythm mein aana, lekin apna time lete huye… Main Worlds ke liye kaafi excited hoon.”
Us “transition year” ki shuruaat Marchand ke career ki sabse impressive swims mein se ek ke saath hui. Men’s 200m Individual Medley ke semifinals mein, Marchand ne backstroke ke dauraan hi previous World Record pace ko cross kar liya aur breaststroke leg mein apni lead aur badha di. Wall par pahunchte hi scoreboard ne history confirm kar di, unhone Ryan Lochte ka 14 saal purane World Record (1:54.00) ko 1.31 seconds se better kar diya. Race ke turant baad Marchand ne kaha, “Jo crazy baat hai wo ye hai ki poore ek second ka difference hai… aur abhi bhi is par believe karna mushkil hai. 200m mein 1:52 — ye bilkul insane hai. Main bahot khush hun. Ye simply incredible hai.”
Post-event press conference mein Marchand ne is race ka credit refined preparation aur execution ko diya. “Aaj race se pehle mujhe kaafi achha feel ho raha tha. Paani mein main halka feel kar raha tha. Technically sab kuch clean lag raha tha. Maine Bob (Bowman) aur Nico (Castel) se baat ki thi, aur hum agree huye ki aaj raat hi go for it ka time hai. “Main staring se hi hard gaya, lekin main super relaxed raha. Mere underwaters har baar 15 metres tak perfect ja rahe the, aur maine jada mistakes nahi ki. Mujhe realise nahi hua ki main itni tez ja raha hun, lekin maine end tak apna 100% diya— arms full speed ke saath wall tak.”
Agli raat, woh wapas aaye aur 200m Individual Medley mein gold medal jeeta, 1:53.68 ka time post karte huye—jo history ka second-fastest performance hai. Is jeet ke saath unhone is event mein apna 3rd world title hasil kiya.
Singapore campaign ka end unhone 400m Individual Medley mein ek aur gold medal ke saath kiya. Ek conservative semifinal ke baad, jahan unhone seventh position ke saath qualify kiya tha, Marchand ne final mein jabardast comeback karte huye 4:04.73 ka time nikala, jo Japan ke Tomoyuki Matsushita se saadhe teen seconds se bhi jada fast tha. Is jeet ke saath ye unka 400m IM mein 3rd world title bana. Marchand ne reflect karte huye kaha, “Aaj ye proof tha ki maine sahi choices li hain aur main wahi kar raha hun jo mujhe pasand hai. Mujhe waise bhi is confirmation ki jarurat nahi thi, mujhe pehle se pata tha, but podium ke top step par khade hona, national anthem sunna aur is saal jo kuch bhi hua hai us par sochna, hamesha ek bahut achhi feeling deta hai.”
Ek naye World Record, do individual world titles, aur France ke liye Men’s 4x100m Medley Relay mein relay silver jeetne ke saath, Leon Marchand ko 2025 World Aquatics Male Swimmer of the Year ghoshit kiya gaya, ye unka lagataar second honour hai.
