Passion, talent, hard work aur discipline –Indian athletes me ye bharpur hain. Lekin sporting dreams chase karne walon ke liye, ek essential fuel paisa hai, jo bahot mushkil se milta hai.
Desh mein swimming ek aisi discipline hai jahan swimmers ke efforts aur unko milne wali incentives ke beech bahot bada gap hai. Parents dwara apni property beche jaane, loan liye jaane ya apne apne bachchon ka career aage badhane ke liye apnon se milne wale paison pe depend rahna aam baat hai.
Toh jab koi event monetary rewards deta hai, toh swimming community sirf uska swagat hi nahi karti, balki use celebrate bhi karti hai. Sunday ko conclude hui Nettakallappa Swimming Competition ke Srihari Nataraj Ne kaha, “Yeh desh ka iklauta tournament hai jo turant prize money deta hai ya frankly bole toh, koi prize money deta bhi hai.”
India ke top swimmer aur two time Olympian ne Most Valuable Swimmer award jeeta, jisme ₹25,000 ka cash bonus tha. Unhone do din ke meet me teen gold aur ek silver jeet kar ye award hasil kiya.
“Mai Nationals me swim kar sakta hun, lekin itna paisa wahan nahi milta. Toh definitely ye hamare liye ek bonus hai. Bhale hi ye utna nahi hai jitna cricketers, tennis players ya badminton players kamate hain, fir bhi ye ek bahot bada motivation hai.”
Year-end swimming bash ka ye 4th edition tha jisme 300 participants ne seniors aur 3 age-group categories (I, II, III) me compete kiya. Long-format (100m aur 400m) time-trial races ke top 3 medallists ko cash rewards diye gaye, aur SKINS (50m) events ke sabhi 8 finalists ko bhi prize money mili.
“Hum me se jada logon ko sustain karne ke liye ya kuch cheezein access karne ke liye private clubs ya private sponsors par depend hona padta hai. Hume apne nationals aur state meets se incentive milna chahiye, lekin ab tak aisa hua nahi hai. Agar ek private event jaise ye kar sakta hai, toh baaki events kyu nahi kar sakte? Ek proper structure banana hoga aur system me change lana jaroori hai.”
Srihari ne DH se kaha, “Main abhi 24 saal ka hun, aur jaldi hi 25 ka ho jaunga, aur main iss stage par competitions me kuch paise kamane ki koshish kar raha hun. Private level par thoda progress ho raha hai, lekin iske alawa kuch nahi ho raha. Mujhe pata hai maine kuch controversial statements diye hain, lekin mujhe lagta hai ki mujhe aisa karna hi hoga.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
