Indian swimmers aur divers ne ongoing Asian Aquatics Championships mein 13 medals jeet kar history create kar diya hai, lekin podium tak unki journey itni aasaan nahi thi. Ahmedabad mein newly- inaugurated Veer Savarkar Sports Complex, jahan athletes pre-event camp ke liye thahre the, ne unhe ummeed se jada pareshaani me daal diya.
Competition se pahle poore 50 members ki contingent ak mahine tak venue ke hostels mein rahi. Facility dekhne mein to grand thi, lekin jo khana diya gaya wo bilkul bhi athlete-friendly nahi tha.
“Facilities world-class thi, lekin khane ke liye ye nahi kaha jaa sakta,” ak Indian athlete ne kaha. “Humein fried aloo parathas, roti with ghee, oily vegetable curries aur doosre local snacks serve kiye gaye. Khaana bilkul aise laga jaise wedding mein caterers ke through serve kiya jaa raha ho.”
Aur bhi dikkat ye thi ki meat poori tarah menu se hata diya gaya tha, jo kai swimmers ke liye protein ka main source hai. Kuch athletes online food delivery apps ka sahara lene lage, jabki dusre ne issue ko Swimming Federation of India ke general secretary Monal Chokshi ke saamne uthaya. Complaints ke baad meat menu mein wapas add kar diya gaya, lekin heavy aur oily options abhi bhi jada dominate karte rahe.
Ye aur bhi jada noticeable tha kyunki India ke doosre Olympic sports usually nutritionists ko involve karte hain aur national camps mein tailored meals ensure karte hain.
DH ne is mamle par comment ke liye Chokshi se contact kiya, lekin calls ka jawab nahi mila.
Relief tabhi mila jab swimmers Championships ke dauran paas ke 5-star hotel mein shift huye, jahan finally healthier meals milne lage. Visiting contingents jaise China pehle din se hi 5-star hotels mein rahi, aur unke dietary needs ke liye ek Chinese chef bhi arrange kiya gaya tha.
Ye sirf food ki problem nahi thi. Athletes ne last-minute event notifications ko bhi lekar complaint ki, kabhi kabhi unhe apni heats ke sirf kuch ghante pehle hi bataya gaya. “Aisa kabhi nahi hota jab hum abroad compete karte hain,” ak aur athlete ne kaha.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
