India ki men’s Water Polo team ko Sunday ko Myrtha Pools dwara nayi banai gayi Veer Savarkar Sports Complex mein aayojit 11th Asian Aquatics Championships ke Group B ke opener match me Thailand ke khilaaf 11-19 se haar ka saamna karna pada.
Uday Uttekar ne India ke liye sabse jada 4 goals kiye, jabki Gaurav Sudhir aur Bhagesh Jagdish ne 2-2 goals ka yogdaan diya. Captain Ananthu Gireesh Subhadevi, Ashwinikumar Kunde aur Ankit Prasad ne ak-ak goal kiya.
Thailand ne second quarter se hi match mein poori tarah se domination dikhaya. Captain Chompoosang Pattanit ne 5 goals kiye, jabki Ekchaona Watcharawarong ne 3 goals ka yogdaan diya. Kaewmanee Suteenan, Paedpeenong Jiramate, Maneejoun Phatsakorn, Komkai Tanakorn aur Chaniyom Phongsathon ne 2-2 goals kiye, jabki Sangthanapanich Phuriphong ne 1 goal maara.
Baaki Water Polo matches mein, Japan ne Women’s Group A mein Uzbekistan ko 27-13 se haraya, aur China ne Women’s Group B mein Hong Kong ko 28-2 se crush kar diya. Men’s Group B mein Kazakhstan ne Japan ko 14-12 se haraya, jabki Iran ne Hong Kong ke khilaaf 22-10 se jeet haasil ki.
Artistic Swimming mein bhi kuch jabardast performances dekhne ko mili. Uzbekistan ki Khadicha Agzamova aur Sabina Makhmudova ne Duet Technical event mein gold jeeta, jabki Thailand ke Kantinan Adisaisiributr aur Pongpimporn Pongsuwan ne Mixed Duet Technical mein gold medal haasil kiya. Kazakhstan ne Team Free event mein 1st palce secure kiya, uske baad Thailand aur Uzbekistan rahe.
Championships mein Water Polo aur Artistic Swimming dono mein new aur emerging talent ko showcase kiya ja raha hai, aur India apne opening day ki performances ko aane wale matches mein behtar karne ka lakshya rakh raha hai.
Medal Highlights in Artistic Swimming Duet Technical:
- Uzbekistan (Gold), China (Silver & Bronze)
- Mixed Duet Technical: Thailand (Gold), Kazakhstan (Silver & Bronze)
- Team Free: Kazakhstan (Gold), Thailand (Silver), Uzbekistan (Bronze)
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
