Colaba ke Navy Nagar se belong karne wale Indian Navy ke sailor Madan Rai ki 17 saal ki beti Jiya Rai, Autism Spectrum Disorder (ASD) ke saath US ke Catalina Channel ko solo swim karke cross karne wali first female para swimmer bani. Unhone 34 km ki swimming 15 ghante, 1 minute aur 43 second me complete ki.
Officials ne bataya ki Catalina Channel swimming ke 100 saal ke history me, Jiya pehli ladki hain jinhone ASD ke saath ye achievement hasil kiya. Unhone apni solo swim 25 September ki raat ko Catalina Island se start ki aur 26 September ki dophar me San Pedro, California pahonchkar finish ki.
Jiya ne apni swim autism awareness ko dedicate ki. Unke father, Madan Rai, ne TOI ko bataya: “Usne swimming therapy ke taur par start ki thi aur aage chal kar 2022 me ak epic 1,100 km relay swim (Mumbai se Goa) complete ki. Iss journey ne use Pradhan Mantri Rashtriya Bal Puraskar (2022) dilaya — jo young achievers ke liye India ka sabse bada samman hai.”
Rai ne note kiya ki last 100 years me sirf lagbhag 500 log hi Catalina Channel swim kar paaye hain. Unhone kaha, “Channel ka paani apne dangerous currents ke liye jaana jaata hai, September me paani ka temperature 18°C hota hai jo hypothermia ka risk badha deta hai. Jellyfish aur dangerous sea animals se takraane ka bhi high chance hota hai. Aur andhere me swimming karna sabse challenging part hota hai.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
