Kerala ke Palakkad ke talented swimmer aur Central Industrial Security Force (CISF) ke proud member Amridhesh Unnikrishnan ne America ke Birmingham me held World Police and Fire Games 2025 me 7 medals jeetkar desh ko gauranvit kiya hai.
Global stage par India and CISF Ko represent karte huye, Amridhesh ne iss prestigious international event me 4 gold, 2 silver aur 1 bronze medal haasil kiya. Iss competition me duniya bhar ke police aur fire department ke participants participate karte hain.
Apni journey ke baare me batate huye, Amridhesh ne bataya ki wo 2022 me CISF me shaamil huye aur Indian Navy ke under me training liya. Unka first major competition March 2025 me held All India Police Games me thi, jahan unhone 4 gold medals bhi jeete. Unke outstanding performance ne unhe USA me hone wale World Police Games me jagah dilai.
Unhone constant support and encouragement ke liye CISF ka aabhar vyakt kiya. Unhone kaha, “CISF ne mujhe regular training ke liye jaruri sabhi facilities aur space provide kiya. Main department, mere coaches aur entire support team ka dhanyawad karta hun jinhone har time mujhe support kiya.”
CISF ne Amridhesh ko unki exceptional accomplishments ke liye heartfelt congratulate kiya hai aur future me unke continued success ki kaamna ki hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
