9 saal pahle, Pavagadh pahad par trekking ke dauraan huye ek haadse ne Baroda ki Garima Vyas ko bed par simit kar diya aur unhe paraplegic bana diya. Ye tragic event unki spirit ko tod sakti thi, lekin Vyas ne haar nahi maani. Depression mein jaane ke bajay, national swimmer Vyas aaj sports ki duniya mein apni alag hi lahar bana rahi hain.
25 saal ki Vyas ne haal hi mein Hyderabad mein aayojit National Para Swimming Championship mein 50 metre breaststroke mein ek aur national record break kiya.
Unhone ye race sirf 1.18.59 minute mein poori karke naya national record banaya, jo unke pahle ke 1.25.32 minute ke timing se behtar hai. Isse pahle bhi Vyas 100 metre breaststroke mein national record bana chuki hain.
Last 4 years mein Vyas ne national, state aur district level ke swimming tournaments mein 45 medals aur trophies apne naam ki hain.
Vyas ne kaha, “Jab first time maine pool mein dive lagayi thi, maine kabhi nahi socha tha ki ek din main national records break karungi aur medals jeetungi. Aaj ye sab hota dekhna ek sapne ke sach hone jaisa lagta hai. Jo cheez meri fitness wapas paane ka ek tareeka thi, wo aaj meri sabse badi passion ban chuki hai.”
Garima Vyas ne MS University se Clinical Psychology mein apni master’s degree bhi poori ki hai.
Vyas ne kaha, “Mere ghar ki shelves medals aur trophies se chamak rahi hain, lekin meri nazar ek aur bade target par tiki hui hai — World Para Swimming Championship. Main desh ke liye ek international medal laane ke liye bahot mehnat se training kar rahi hun.”
Sports Authority of Gujarat (SAG) ke district coach Vivek Singh Borliya, jo pichhle 4 saalon se Vyas ko coaching de rahe hain, ne kaha ki unhone kisi paraplegic sportsperson ko itni tez tarakki karte huye kabhi nahi dekha. “Wo bahot dedicated hai aur daily ghanton practice karne se kabhi peeche nahi hat-ti. Har baar jab wo pool mein utarti hai, uski timing aur behtar hoti jaati hai. Filhaal hum use next year hone wali Asian Para Swimming Championship ke liye prepare kar rahe hain,” Borliya ne kaha.
Accident ke baad starting ke years me unka jada time medical treatment mein hi nikal gaya. Lekin 2021 mein Vyas ne apni fitness improve karne ke liye swimming start karne ka decision liya, aur next year unhone National Para Swimming Championships mein apna first gold medal jeet liya aur phir peeche mudkar nahi dekha.
Vyas ne kaha, “Swimming mujhe khud se move karne ki azaadi deti hai. Paani mein main apni wheelchair tak simit nahi hoti.”
Unki maa Kejal, jo ki ak chartered accountant hain, ne kaha, “Starting mein hum thode pareshaan the, lekin meri beti kabhi pool mein utarne se nahi ghabraayi. Wo sirf duniya ke liye hi nahi, balki hamare parivaar ke liye bhi ek inspiration hai.”
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
