Pichhle poore saal ke dauran spotlight Yu Zidi par hi rahi. Jab aap 12 saal ki age me World Championships me race karne wali phenom ban jaate ho, to attention se bachna namumkin hota hai. Kya ye bachchi is sport ki next big thing hai? Ye major competition ka pressure kaise handle karegi? Kya itni chhoti age me kisi youngster ko aisi situation me daalna fair hai? Ye sab normal questions the jo Yu ke baare me puche ja rahe the, jo China se ubharte huye stars ki lambi list me latest naam hai.
Ab jab saal ke final days chal rahe hain, to upar puchhe gaye questions ke jawab saamne aa chuke hain. Bhale hi global level par pre-teen ka race karna sahi hai ya nahi, is par debate aage bhi chalti rahe, lekin ek baat bilkul clear hai. Ab 13 saal ki ho chuki Yu ek unquestioned talented swimmer hai jiska future kaafi promising hai. Isse bhi jada, usne apne upar rakhi gayi bahut badi expectations ko kaafi impressively handle kiya.
2025 ke shuruat me Yu ko ek up-and-comer ke taur par kaafi pehchaan mil chuki thi, kyunki usne 12 saal ki hone se pahle hi kai world-class timings nikaal di thi. Lekin Singapore me hui World Championships hi wo stage thi jahan sirf 12 saal ki Yu ne ye saabit kar diya ki wo apne specialty events me sport ki elite stars me se ek hai. Poore meet ke dauran, Yu ne teen fourth-place finishes hasil kiye, aur podium se bas thoda sa chook gayi, 200 butterfly, 200 individual medley aur 400 IM me. In jabardast performances ke liye, Yu ko Swimming World ki Female World Junior Swimmer of the Year ke taur par chunna bilkul easy decision tha.
World Champs me Yu ne apna meet 200 medley se start kiya. Seventh seed ke taur par final me jagah banane ke baad, Yu ne outside lane me shandaar performance di aur 2:09.21 ke personal-best time ke saath fourth place hasil kiya. Chinese youngster medal se bas thoda sa chook gayi, kyunki Canada ki Mary-Sophie Harvey ne 2:09.15 ka time laga kar sirf 0.06 second se aage finish kiya. 200 IM ke baad, Yu phir se 200 butterfly ke semifinals me elimination ke kareeb pahunch gayi. Is baar wo final me eighth seed thi, lekin ek baar phir outside lane me usne kamaal dikhaya aur 2:06.43 ka time clock karke lagataar doosri baar fourth place par rahi. Ek aur fourth-place finish Yu ne 400 IM me record ki, jahan usne 4:33.76 me wall touch ki. 200 fly aur 400 IM dono events me wo medals se kramashah 0.31 aur 0.50 second peeche rahe gayi.
World Championships me Yu jitni sensational thi, usse bhi behtar performance usne November me huye Chinese National Games ke liye bacha kar rakhi. 200 medley me compete karte huye, tab tak 13 saal ki ho chuki Yu ne meet ka highlight banate huye 2:07.41 ka Asian record set kiya. Is record ne 2012 ka 2:07.57 standard tod diya, jo Ye Shiwen ne London Olympic Games me gold jeetne ke dauran banaya tha. 2025 ki world rankings me, Yu 200 IM me second, 400 IM me fourth aur 200 butterfly me eighth position par rahi. World Champs me hi, usne 800 freestyle relay ke preliminaries me China ke liye ek leg swim karke bronze medal bhi jeeta.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
