Team ne National Para Swimming Championship 2025 me jeete 11 medals — 3 Gold, 6 Silver, 2 Bronze
Chhattisgarh ke para swimmers ne National Para Swimming Championship 2025 me excellent perform karte huye total 11 medals apne naam kiye. Hyderabad me aayojit is 25th National Championship me team ne 3 gold, 6 silver, aur 2 bronze jeet kar state ka naam roshan kiya.
Yeh championship 15 se 18 November 2025 tak Hyderabad (Telangana) ke Sports Authority of India ke swimming complex, me conclude hui. Chhattisgarh ki team me total 33 members (19 male swimmers, 5 female swimmers, saath hi 2 coaches aur 2 managers) shaamil the.
Team ki preparation aur success me coaching staff ka mahatvapurna yogdan raha. Coach Durga Yadav, Veer Hanuman Singh Awardee coach Ganesh Ram, aur manager Gopal Yadav ne poori training ke dauran team ko guide kiya.
Championship se wapas lautne par 21 November 2025 ko Bilaspur Railway Station par swimmers ka grand welcome kiya gaya. Unhe bouquet aur phool-mala de kar sammanit kiya gaya.
Iss achivement par Para Sports Association, Raipur ke president Amarjeet Chhabra, vice president Prashant Raghuvanshi, general secretary D. Kesh Tandon, aur Tilkesh ne team ko badhai dete huye kaha ki yeh success state ke para sports ke liye ek inspiration hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
