Australia ki Lani Pallister ne Saturday ko Katie Ledecky ka 800m freestyle short-course world record todte huye, 7 min 54.00 sec me jeet haasil ki, aur Toronto World Cup 5 world records ke saath conclude hua.
Pallister ne US ki legend Katie Ledecky ke world record ko tod diya, jo unhone 5 November 2022 ko Indianapolis me World Cup meeting ke dauraan banaya tha. Pallister ne is record ko 3.42 seconds se behtar kar diya aur asaani se New Zealand ki runner-up Erika Fairweather ko peeche chhod diya, jinka time 8:09.69 tha.
Netherlands ke Caspar Corbeau ne men’s 200m breaststroke me short-course world record 1:59.52 ke saath jeet haasil ki. Wo pehle swimmer bane jinhone 2-minute barrier tod diya, aur unhone Russian swimmer Kirill Prigoda ka pichla record 2:00.16 (jo 2018 ke Short Course World Championships, Hangzhou – China me bana tha) ko tod diya.
American swimmer Kate Douglass ne 100m freestyle me apna khud ka short-course world record aur behtar kar diya. Unhone 49.93 seconds ke time ke saath 50 seconds ke neeche swim karne wali first swimmer bani. Unhone apna hi last record 50.19 seconds, jo unhone last week Westmont, Illinois me banaya tha, tod diya.
Hungary ke Hubert Kos ne bhi world record list me apna naam jod diya, unhone 100m backstroke event me 48.16 seconds ka time lekar jeet haasil ki. Iske saath hi unhone is season ke World Cup backstroke events me ek perfect nine-for-nine run complete kar liya — matlab unhone jitne bhi 9 events me participate kiya, sab jeet liye.
Olympic 200m backstroke gold medallist Hubert Kos, jinhone do din pehle hi 200m backstroke world record banaya tha, unhone ab short-course world record bhi tod diya. Unhone 48.33 seconds ka last record, jo American swimmer Coleman Stewart ne 2021 me banaya tha, tod kar new world record set kiya.
Australia ki Kaylee McKeown ne bhi World Cup series ke final day ek aur world record apne naam kiya. Unhone 1:57.33 ka time lekar 200m backstroke event jeeta, apni American rival Regan Smith ko peeche chhodte hue jinka time 1:57.86 tha.
Yeh bhi interesting hai ki Regan Smith ka timing bhi purane world record se better tha, jo McKeown ne sirf 6 din pehle Westmont ke World Cup stop me 1:57.86 ke saath set kiya tha.
Yeh doosre hafte lagatar tha jab Kaylee McKeown ne Regan Smith ko 200m backstroke race me peeche chhoda — aur dono ne hi purane world record se tez swim kiya.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
