Ross Edgley, ak British athlete, poore Iceland ko swim kar k cover karne wale first athlete ban gaye hain. Unki journey, jo human endurance se bhari hui thi, 4 months tak chali aur poore coastline ko cover kiya — jo pahle kabhi attempt nahi hua tha. Ye ak new frontier hai extreme athleticism ki, jo mental aur physical strength ki limits ko sabse tough environment ke against test karti hai.
Ross Edgley officially first person ban gaye jinhone Iceland ka poora 1,000-mile perimeter swim karke complete kiya. Cheshire se aane wale 39-years ke athlete ne Monday ko Reykjavik mein finish line touch ki, jo North Atlantic Ocean ke tough waters me unki brutal journey ka end tha. Unhone apni swim 17 May 2025 ko start ki thi aur 8 September, 2025 ko finish ki.
Edgley ki arrival ko traditional Viking horn aur champagne sprays ke saath celebrate kiya gaya. Ye unke efforts ke liye ak perfect tribute tha. Reports ke according, Edgley ne starting me iss challenge ko Asgard ke around swim karne jaisa compare kiya tha. Ye comparison kaafi sahi nikla, kyunki unhone paani mein bahot hi extreme conditions face ki.
Swimmer ka daily routine inn 4 months mein 6 ghante swimming aur 6 ghante rest support yacht par hota tha. Iss time ke dauran unhe face bone chilling temperature (jo 3°C tak gir jaati hai), killer whales aur bohot powerful waves ko face karna pada. Physical cost bhi kaafi severe thi — jisme wetsuit chafing aur tongue ke parts ka loss bhi shamil tha, kyunki saltwater ka constant exposure hota tha.
Ross Edgley ki journey ek dual mission thi — Science aur Endurance ki
Iss athletic achievement ke beyond, Edgley ki journey ak badi scientific purpose ke liye bhi thi. Unhone iss swim ko sirf ak personal test nahi, balki “ocean conservation” ke liye ak important “scientific expedition” maana.
Iss journey ke dauraan, Edgley ne scientific research mein help karne ke liye environmental DNA (eDNA) samples collect kiye. Unhone scientific institutions jaise University of Iceland ke saath collaborate kiya. Jiska goal Iceland ke coast par microplastic pollution aur marine life ke baare mein better understanding gain karna tha.
Edgley ke superhuman effort ko fuel dene ke liye unki body ko bahot jada energy ki jarurat thi. Iske liye unhone daily 10,000–15,000 calories consume ki. Reports ke according, unhone pasta aur Icelandic liquorice kaafi khaya taaki hypothermia ke against apne body ko necessary insulation de saken.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi
