Commonwealth Games 2026 ke liye Bharat ki swimming aur para swimming teams ka adhikarik elan kar diya gaya hai. Glasgow me hone wale is multi-sport event me India ki taraf se 5 swimmers aur 6 para swimmers desh ka pratinidhitva karenge.
Indian swimming team ki aguvai anubhavi Olympian Sajan Prakash karenge. Team me star backstroker Srihari Nataraj ke saath Aryan Nehra, Aneesh Gowda aur Dhakshian Shashikumar ko bhi jagah mili hai. In sabhi swimmers se Commonwealth Games me behtar pradarshan ki ummeed rahegi.
Indian Swimming Team – Commonwealth Games 2026
- Sajan Prakash
- Srihari Nataraj
- Aryan Nehra
- Aneesh Gowda
- Dhakshian Shashikumar
Iske alawa Bharat ki para swimming team bhi Glasgow me apna dam dikhane ke liye taiyar hai. Team me anubhavi aur ubharte hue dono tarah ke athletes ko mauka diya gaya hai.
Indian Para Swimming Team – Commonwealth Games 2026
- Ravi Veera Venkata Budigina
- Ali Imam
- Suyash Jadhav
- Chaitanya Vishwas Kulkarni
- Tejas Nandakumar
- Swatik Patil
Commonwealth Games 2026 ka ayojan 23 July se 2 August tak Glasgow, Scotland me hoga, jabki swimming aur para swimming competitions 24 July se 29 July ke beech Tollcross International Swimming Centre me aayojit kiye jayenge.
Bharatiya fans ki nazrein ab in swimmers par hongi, jo Commonwealth Games ke bade manch par desh ke liye medal jeetne ki koshish karenge.
Wow