Ranchi ke saat saal ke swimmer Ishank ne ek rare achievement hasil ki hai, jahan usne Sri Lanka aur India ke beech ek challenging sea route cross karke itni chhoti umar mein naya world record bana diya.
Dhurwa, Ranchi ka yeh young swimmer Sri Lanka ke Talaimannar se India ke Dhanushkodi tak lagbhag 29 kilometre ka dangerous Palk Strait sirf 9 ghante 50 minute mein swim karke cross hisory create kar diya. Iske saath hi, woh duniya ka youngest swimmer ban gaya hai jisne yeh route complete kiya aur ek naya world record set kiya.
Yeh achievement 30 April 2026 ko complete hua. Yeh kathin training, discipline aur strong determination ka result hai. Is feat ke liye Ishank ko Universal Records Forum ki taraf se “Youngest and Fastest Palk Strait Swimmer” ka world record certificate diya gaya.
Apne is goal ko achieve karne ke liye Ishank roz 4 se 5 ghante Ranchi ke Dhurwa Dam mein practice karta tha. Usne apne coaches Aman Kumar Jaiswal aur Bajrang Kumar ke guidance mein special training li. Uski is achievement ne Jharkhand aur poore desh ka naam roshan kar diya hai.
Ranchi ke DAV Shyamali ka Class 3 ka student Ishank apne school se bhi kaafi tareef pa raha hai. School ke principal ne kaha ki Ishank Singh ki yeh achievement school, Ranchi shehar aur poore desh ke liye garv ki baat hai. Unhone yeh bhi kaha ki itni chhoti umar mein challenging sea conditions ka saamna karke world record banana uski extraordinary himmat, discipline aur determination ko dikhata hai.
Unhone aage kaha ki Ishank ne prove kar diya hai ki dedication aur sahi guidance ke saath koi bhi goal achieve kiya ja sakta hai, aur unhone uske bright future ke liye best wishes di.
Principal ne yeh bhi kaha ki itni chhoti umar mein itna brave kaam karna apne aap mein unique hai, aur uski success dusre students ko inspire karegi, jo school ke liye ek proud moment hai.
